Qaaqqusissut immikkut ittoq
1. 2014-imi ataatsimeersuarnermut qaaqqusinermik suliniarneq qaqugu aallartissava?
1 Takorlooruk ikinngutitit ilaquttatilluunniit nerisassanik pitsaalluinnartunik igganniarlugit. Nuannaarlutit qaaqqussavatit, ilaa? Tamatumunnga assingusumik 2014-imi ataatsimeersuarnermi anersaakkut nerersuarnermut pilersaarusiorneq suliarujussuuvoq. Ataatsimeersuarnissarput sapaatit-akunnerinik pingasunik sioqqullugu inunnik qaaqqusinissamik immikkut pisinnaatitaaffeqarpugut. Qanoq uummaarissumik qaaqqusisinnaassaagut?
2. Suliniarnermut peqataalluarnissatsinnut suut kajumississutigissavavut?
2 Ataatsimeersuarnerni Jehovap anersaakkut nerersuartitsisarneranik qanoq inuttut iluaqutiginnittarnitsinnik qujamasulluta eqqarsaatiginneqqissaartarnerput immikkut suliniarnermi peqataalluarnissamut kajumississutigissavarput. (Es 65:13, 14) Aamma ukiumoortumik suliniarnitta kinguneqarluartarnera eqqaamassavarput. Inuit qaaqqusatta ilaat ataatsimeersuarnermi najuutissapput. Qassit najuutissanersut apeqqutaatinnagu qaaqqusiniarluta iliuuseqarnerput Jehovamut ataqqinaataallunilu taassuma tukkortuuneranut ersiutaassaaq. — Tuss 145:3, 7; Saqq 22:17.
3. Qaaqqusissutit qanoq agguaanneqassappat?
3 Utoqqaanertaqatigiit aalajangissavaat qaaqqusissummik qanoq agguaassisoqassanersoq — soorlu angerlarsimasoqanngikkaangat nakkartitsiinnartoqartassanersoq imaluunniit qaaqqusissut tamanut oqaluussinermi neqeroorutigineqartassanersoq. Sapaatip-akunnerata naanerani naleqquppat atuagassiat qaaqqusissummut ilanngullugit neqeroorutigineqarsinnaapput. Qaammammi arfininngornermi siullermi immikkut suliniarneq Biibilimik atuaqqissaaqateqarniarnerminngarnit pingaarnerutinneqassaaq. Sapinngisamik inuit amerlanerpaat Jehovap anersaakkut nerersuartitsineranut peqataaqqullugit kajumilluta agguaaqataasimanerput suliniarnerup kingorna nuannaarutigissavarput!