Oqaluussinermut tunngasumik ataatsimiinnernut pilersaarut

Sapaatip-akunnera 8. apriilimiit

Erinarsuut nr. 39

13 min. Nalunaarutit ilagiillu naatsorsuutaat. Qatanngutit tukkussusiannik nersualaakkit eqqaasikkillu unnumut ilagiinnut tunissutit nakkartinneqartut Europap kangiani Guutip naalagaaffiata sulineranut tunissutigineqassammata. Videofilmi Unge spørger: Hvordan får jeg virkelige venner? sapaatip-akunnerani 22. apriilimiit oqaluussinermut tunngasumik ataatsimiinnermut piareersaatitut takoqqullugu tamaasa kajumissaakkit. Siunnersuutit qupperneq 8-miittut atorlugit marlunnik assigiinngitsunik takutitsisoqarli, aappaa Vagttårnet 15. apriilimiit aappaalu Vågn op! 22. apriilimiit. Takutitsinerni taakkunani marlunni akerliliineq ’Nammineq upperisaqarpunga,’ qanoq akineqarsinnaanersoq takutinneqassaaq. — Takuuk ’Allakkat oqaloqatigiissutigisigik’ qupperneq 12.

15 min. Maani pisariaqartitat.

17 min. „’Tamanut ajunngitsuliorta.’“a Taanna sammineqareerpat oqaluussisartoq ataaseq marlulluunniit qanoq ilillutik kiffartornerulersimanersut apersorneqassapput.

Erinarsuut nr. 157 naggasiillunilu qinuneq.

Sapaatip-akunnera 15. apriilimiit

Erinarsuut nr. 101

10 min. Nalunaarutit. Naalagaaffimmik Kiffartorneq-miit nalunaarutit toqqakkat.

15 min. Pionerit allanik ikiuiuarput. Atuakkamik atuaqatigiittarnermi nakkutilliisoq, pioneri oqaluussisartorlu peqatigalugit kiffartornermik nakkutilliisumit aqunneqartumik oqaloqatigiinneq. Kiffartornermik nakkutilliisup Naalagaaffimmik Kiffartorneq septembari 1998-moortoq qupperneq 4-mi pilersaarusiaq „Pionerit allanik ikiuipput“, naatsumik oqaluttuaraa. Taava issiaqatini ataasiakkaarlugit oqaloqatigissavai pilersaarusiami sumi inissisimaneri qanorlu iluaqutaasimanera pillugit. Sunaana pitsaalluinnartuusoq? Kiffartornermut nakkutilliisup oqaluussisartut tamaasa kajumissaassavai oqaluussinerup tungaatigut ikiorneqarusukkunik paasiteqqulluni. Siornatigut ikiorneqarsimasut aamma pilersaarusiamut peqataaqqissinnaapput oqaluusseriaatsinullu allanut ikiorneqarlutik.

20 min. „Piffissaq tamaat kiffartornerup nuannersortai.“b Upernaap aasallu ingerlanerani inuusuttut ikiorti-pioneritut qinnuteqaqqullugit kajumissaakkit.

Erinarsuut nr. 199 naggasiillunilu qinuneq.

Sapaatip-akunnera 22. apriilimiit

Erinarsuut nr. 90

10 min. Nalunaarutit. Siunnersuutit qupperneq 8-miittut atorlugit naatsunnguanik marlunnik atuagassianik takutitsisoqarli — Ilagiinni kiffartortup Napasuliaq Alapernaarsuiffik 1. maaji saqqummiutissavaa qatanngutillu arnap Vågn op! 8. maaji saqqummiutissallgu. Takutitsisoqareerpat oqaatsit pulaakkamut soqutiginnilersitsisussat uteqqinneqassapput.

10 min. Piffissamik eqqorluaasuugit! Oqalugiaat. Suliniutit pallorfiginninnitsinnut kiffartornitsinnullu tunngasut peqataaffigissallugit pingaaruteqarpoq, taamaattumillu ’aalajangersimasumik piffissaqarfigineqartariaqarlutik.’ (Oqa. 3:1) Aaqqissuussinerit teokratiimut tunngasut tamaasa tamakkiisumik peqataaffiginissaat kissaatigaarput. Ataatsimiinnerit katersuunnerillu piffissaq eqqorlugu aallartittariaqarput. Jehova suliaminut piffissamik eqqortitsiuaannarpoq. (Hab 2:3) Tamatumani siumukarnissaq pisariaqartipparput? Piffissap ilaatigut inuttut ataasiakkaatut kinguartoorneq inortuinerlu pinngitsoorneqarsinnaanngillat. Pilersaarusiorlualaarnerinnakkulli ataatsimiinnernut imaluunniit kiffartornissamut katersuunnernut aallartillualereersunut ileqquliutiinnarlugu inortuilluta aggernissatsinnut pissutissaarutissaagut taamaalillutalu aallarniilluni erinarsorneq qinnunerlu peqataaffiginngitsuussanagit. Eqqartorsiuk, teokratiimut tunngatillugu suliassat pineqaraangata qanoq ililluta piffissamik eqqorluaasuunissatsinnut iluaqutaasinnaasumik ileqqoqalersinnaasugut. — Takuuk Napasuliaq Alapernaarsuiffik 1. juuni 1991-moortoq qupperneq 16.

25 min. „Qiimmassaataangaarsimavoq.“c Immikkoortoq 1-mut atatillugu ilagiinniittut ilaat oqaluttuarsinnaapput videofilmi Unge spørger: Hvordan får jeg virkelige venner? qanoq killitissutigisimanerlugu. Taava apeqqutit immikkoortut 2-miit 7-mut ataasiakkaarlugit sammisigit.

Erinarsuut nr. 191 naggasiillunilu qinuneq

Sapaatip-akunnera 29. apriilimiit

Erinarsuut nr. 162

10 min. Nalunaarutit. Tamaasa oqaluussisimanerminnik nalunaaruteqaqqullugit eqqaasikkit, atuakkamillu atuaqqissaaqatiginnermi nakkutilliisumut naalagaaffilersaarfimmi atuakkamilluuniit atuaqatigiittarfimmi tunniullugu.

15 min. „Oqaluussineq inuup inuuneranik aannaassisarpoq.“d Tusarnaartut allassimaffiit oqaaseqarfigiligit

20 min. ’Ræsonnerebogi’ atorlugu misissoruk. Najuuttut peqatigalugit sammineqassaaq. Oqaluussitilluta ’Ræsonnerebogimi’ „sammisassat quliqutaanni“ qupperneq 5-mimi 6-milu nassaarisinnaanngisatsinnik aperineqakulasarpugut. Atuakkap naggataa’tungaaniittut ujarliutit qupperneq 439-45-miittut upperisatsinnik Biibiliminngaanneersumik tunngavilersuiniarluni iluaqutaasorujussuupput. Najuuttut tamaasa kajumissaakkit apeqqutit tulliuttut naqinnernik uingasunik allassimasut akissutaat ujarliutini ujaqqullugit: Inuiattut erinarsuutinut erfalasunullu kristumiut qanoq isiginnittaaseqarpat? Sooq ajunaarnersuit pinngortitamik pissuteqartut Guutip akuerai? Avinneq pillugu Biibilimi qanoq allassimasoqarpa? Sooq aamma qaqugu qatanngutit arnat nasartaateqassappat? Anaanap ullua sumit aallaaveqarpa? Qanoq ililluta nalunngilarput kisitsisit 144.000-t piviusumik Biibilimi paasineqartussaasut? Angummik pisoorsuarmik Lazarusimillu assersuut qanoq paasisariaqarpa? Tamaasa kajumissaakkit ’Ræsonnerebogi’ oqaluussinermi atortaqqullugu.

Erinarsuut nr. 28 naggasiillunilu qinuneq.

Sapaatip-akunnera 6. maajimiit

Erinarsuut nr. 141

10 min. Nalunaarutit. Ungalusaq „Napasuliaq Alapernaarsuiffik Iteritsi!-lu iluaqutigiuakkit“ sammisiuk.

10 min. Aasarnissaanut pilersaarusiorneq. Oqalugiaat najuuttullu peqatigalugit sammisassaq. Aasarnissaanut nalinginnaasumik pilersaarutaasartut eqqaakkit: Ataatsimeersuaqataanissaq, qaammammi ataatsimi arlalinniluunniit ikiorti-pioneriunissaq, angerlarsimaffimmik aserfallatsaaliinissaq immaqalu angalalluni sukisaarsaarutinilluunniit sammisaqarluni. Qassikattannguit aasamut qanoq pilersaaruteqarnerminik oqaluttuarlik qanorlu ilillutik naak aallarsimagaluarlutik ilaqutariittut atuaqqissaaqatigiittarnissartik, ataatsimiigiartarnissartik, kiffartoqataasarnissartillu qulakkeerniarneraat. Ilagiit qaqutiguinnaq angalaarfigineqartartunik uninngasuuteqarpat angalaarfigineqarnissaanut qanoq aalajangiisoqarsimanera oqaluttuariuk. Angerlarsimaannarunik angalagaluarunilluuniit atuakkamik atuaqqissaaqatigiinnermi nakkutilliisumut oqaluussisimanermik nalunaaruteqarnissaannik tamaasa eqqaasikkikkit.

25 min. „Ilaqutariit anersaakkut nukittuut — Qanoq?“e Allaaserisaq najuuttut peqatigalugit sammineqassaaq, taavalu Napasuliaq Alapernaarsuiffik-mi 1. marsi 1999-moortumi qupperneq 9,10-milu misigisimasat atoriaannaasut innersuussutigalugit.

Erinarsuut nr. 17 naggasiillunilu qinuneq.

[Quppernerup ataani ilanngussaq]