Qiimmassaataangaarsimavoq
1 Silasuarmi tamarmi ilaqutariit kristumiut videofilmimik nutaamik Unge spørge: Hvordan får jeg virkelige venner?-mik nuannaarutiginninnertik pingaartitsinertillu ersersissimavaat. USA-mi ataataasoq oqaluttuarsimavoq videofilmi takoreerlugu ernini nipaarutivissimasut — filmimi takusatik tamaasa ilisarnarnerarlugit sikisarput. Malawi-mit nalunaarusiami allassimavoq qatanngutit angutit arnallu inuusuttut filmi aamma nuannarisimagaat, atuaqatiminnimmi taamatorluinnaq tatineqartaramik. Tysklandimi ataataasoq oqarsimavoq: „Filmi qinnutinnut akissutitut isigaara.“ Arnaq inuusuttoq oqarsimavoq: „Qujanaq Jehovap uannik ilumut isumassuineranik eqqaasittarasinnga.“ New Zealandimi utoqqaanertaq oqaluttuarpoq: „Inuusuttortatta ilaat inuunerup aqqutaatigooqqilernissaanut ikiorsimavaa.“ Arnaq katissimasoq oqarpoq: „Neriuutigeqaara inuusuttut sallusuissummiittut tamarmik takujumaaraat uummatimikkullu aalajangerlutik. Ilaqutariit, soormi takoqqikkussiuk? Naggataatigut apeqqutit tulliuttut eqqartorsinnaavasi:
2 Aallarniut: ikinngut ilumoortoq qanoq ittuua — Uss 18:24.
3 Ikinngutaanissamut ajoqutaasut: Avataaniittutut qanoq misiginaveersaarsinnaavit? (Fil 2:4) Sooq inuttut pissuserisannik allanngortitsinissannut piumassuseqartariaqarpit, tamaaliornissannullu kia ikiorsinnaavaatit? Ikinnguteqarnerulerumalluni qanoq iliortoqarsinaava, sumilu nanineqarsinnaappat? — 2 Kor 6:13.
4 Guuti ikinngutigalugu: Jehovamut nammineq inuttut attaveqarnerit qanoq ineriartortissinnaaviuk aammalu sooq tamanna akilersinnaava? (Tuss 34:9) Guutimik ikinnguteqarneq qanoq nakussatinneqarsinnaava?
5 Ikinngutit ajortut: Kikkut ikinngutipalaajuppat? (1 Kor 15:33) Ikinngutit ajortut anersaakkut qanoq nakkarsaasinnaappat? Dina pillugu Biibilimi oqaluttuaq qanoq ilinniarfigisinnaavarput. — 1 Mos 34:1, 2, 7, 19.
6 Ulluinnarni pisartoq: Sooq Tara kiserliorpa? Ilagisartakkani silamiut qanoq illersorpai? Tamatuma sumik navianartorsiortippaa? Sooq angajoqqaat navianartorsiornera maluginngilaat, qanorlu pissuseqarlutik anersaakkut ingerlaqqilernissaanik ikiorpaat? Qatanngut arnaq pioneri Taramut qanoq ikinngutaalluarpa? Sooq kristumiut oqaatsit Ussatit 13:20-miittut, Jeremia 17:9-miittullu eqqumaffigisariaqarpaat? Tara pingaarutilimmik sumik ilinniagassinneqarpa?
7 Isummerneq: Videofilmi qanoq ilikkagaqarfigaajuk? Allanut iluaqutaasinnaaqqullugu qanoq iliorsinnaavit? — Tuss 71:17.