Oqaluussinermut tunngasumik ataatsimiinnerni pilersaarutit
Sapaatip-akunnera 13. marsimiit
Erinarsuut nr. 118
15 min: Nalunaarutit ilagiillu naatsorsuutaat. Eqqaasikkit unnummut tunissutit ilagiinnut tunissutit-nut nakkaatitsivimmut nakkartinneqartut Europap kangiani Guutip naalagaaffiata sulineranut tunissutigineqassammata. Quppernermi 7-mi ungalulimmiittoq oqaluuserisassaq saqqummiuguk. Tassani najoqqutassat pineqarput assilillugit allanneqarsinnaasut Biibilimullu ilillugit. Taanna qaammatini tulliuttuni pingasuni sulinitsinnut atortussaavarput. Sassarnermut oqaasissat tulleriiaat immaapput: „Kutaa, . . .-mik ateqarpunga; una . . . (ingiaqatit). Maani angalaarnitsinni inuit nalinginnaanngitsumik apeqquteqarfigisarpavut: ’Sorleq pingaarnerua: Aningaasat (unitsiarneq) — imaluunniit tullermut asanninneq?’ (Unitsiarneq. Amerlanerit akisarput „tullermut asanninneq“, immaqali nangeqqillutik „aningaasaqanngippat saperpugut“. Pulaarfigisat eqqarsarnissaanut oqaaseqarnissaanullu piffisaleruk. Taava isumaqatigiuk tullermut asanninnerup pingaarnerusariaqaraluarneranik, amerlanertigulli allatut pisoqartarnerarlugu.) Ilisimaviuk piumatussuseq ullutsinni atugaangaartoq Biibilimi piffissamik aalajangersimasumik atuuttussatut siulittuutigineqarsimasoq? Uani Timûtiusimut agdlagaisa áipait-ni 3:1, 2a allassimavoq. (Atuarsinnaanerlutit aperiniaqinagu. Qupperuk takutillugulu suminngaaniit atuarit. Versi 2-mi oqaaseq ’aningaaserituut’ tikiinnarlugu atuaruk. Eqqaasinnaavat ukiut 2000-ingajaat matuma siorna allanneqarsimasut, pissutsilli ullutsinnut naleqquttorujussuusut.) Malugaajuk versi 1-mi allassimasoq ’ullussani kingullerni’ taamaattoqassasoq? Allaaserisap ullutsinni naleqqunneranik isumaqatigiippugut, kisianni ullut kingulliit pineqarpata arlaanni killeqartariaqassapput. Tamatuma kingorna susoqassasoraajuk? (Unitsiarit pulaakkat oqaaseqarniassammat. Ilaat oqartarput ’kialluunnit tamanna naluaa’.) Biibilimi aamma allassimavoq tamatuma kingorna qanoq pisoqassanersoq, tassa aningaasat pinnagit, asanninnerli silarsuarmi malunnarnerulissasoq. sarĸúmersitat 21:4, 5-mi uani takoriaruk.“ (Tamatuma kingorna neqeroorutiginiakkannut saagit.) Oqaluussisartup saqqummiusseriaaseq takutilliuk.
15 min: „Nutaarsiassaq nuannersoq oqaluussissutigaarput“. Apeqqutit akissutillu. Takutiguk atuagaq ’Ilisarsineq’ qanoq atorneqarsinnaasoq. Oqaluuserisamut tulluarsagaassaaq.
15 min: „Apriili 2000 manna tikillugu qaammatinit pitsaanerpaartarisinnaavarput?“ (Immikkoortut 1-11) Apeqqutit akissutillu. Ukiuni qaninnerni ilagiinni ikiorti-pioneerit amerlanerpaaffigisimasaat taajuk. Ikiorti-pioneerit ilaat oqaluttuartikkit oqaluusseqataanerulernerminni qanoq iluaqutigisimaneraat. Ilagiit kajumissaarneqarput apriilimi ikiorti-pioneerisut amerlanerpaartarilernissaannut sulissutigeqqullugu. Taamatut nuannaartoqarnerulissaaq, inunnut ataasiakkaanut ilagiinniittunullu tamanut. ’Organisationsbog’-imi piukkunnartuunissamut piumasaqaatit quppernermi 109-10-milu eqqaaneqartut atuakkit.
Erinarsuut nr. 187 naggasiillunilu qinuneq.
Sapaatip-akunnera 20. marsimiit
Erinarsuut nr. 21
10 min: Nalunaarutit. Ilaatigut Guutip Naalagaaffianut Kiffartorneq-mit toqqakkat. Sapaatip-akunnera kingullermi oqaluuserisaq oqaluussisartumik saqqummiussisumik saqqummiunneqaqqilli.
15 min: ’Qanoq iliorsinnaavunga?’ Atuakkamik atuaqqissaaqatigiinnermi siulersuisumit najuuttut peqatigalugit sammineqassaaq. Ilaat misigisarput ilagiinni annikitsuinnarmik iliuuseqarsinnaallutik. Eqqaajuk ilaagiit nakussatsikkumallugit Guutillu naalagaaffiata sulinera siuarsarumallugu tamarmik qanoq naleqangaartumik taperseeqataasinnaasut. Naggasiillutit takutiguk qanoq tamatta ’nalunaarusiap katinneranut peqataasinnaasugut’. — Takuuk „Organisationsbogi“, quppernerit 105-106.
20 min: „Apriili 2000 manna tikillugu qaammatinit pitsaanerpaartarisinnaavarput?“ (Immikkoortut 12-18) Apeqqutit akissutillu. Naatsunnguamik takutitsisoqarli ilisarisimasat ilaat eqqaaniaalluni nalliuttorsiornissamut qanoq qaaqquneqarsinnaasoq. Tamaasa eqqaasikkit kiffartornissamut piviusorsiortumik pilersaarusioqqullugit sapinngisartik tamakkerlugu peqataasinnaaqqullugit. Assut nuannaarutaassagaluaqaaq qaammatip ingerlanerani tamarmik kiffartoqataagaluarpata. Atuakkamik atuaqqissaaqatigiinnermi siulersuisut eqqumasariaqarput ikiueqataallutillu. Ikiorti-pioneeriusinnaasut tamaasa kajumissaakkit qinnuteqaqqullugit.
Erinarsuut nr. 65 naggasiillunilu qinuneq.
Sapaatip-akunnera 27. marsimiit
Erinarsuut nr. 119
10 min: Nalunaarutit. Apriilimi ikiorti-pioneeriusussat taakkit. Suli nalunaartoqarsinnaavoq. Qaammammi kiffartulernermi katersuuffissat taakkit. Ulloq immikkut oqaluussiffissaq eqqaajuk. Ilagiinni qanoq pilersaarusiortoqarpa? Qiimmassaataassannginnerpa oqaluussisartut tamarmik peqataagaluarpata? Apriilimi atuagassiat neqeroorutiginiarpavut. Qaammammi oqaluuserisamut tulluartumik allaaserisamik ataasiinnarmik saqqummiussaqarit, oqaluussisartumillu tamanna qanoq atorneqarsinnaasoq takutitsisoqarli. Atuagassiaaraq Guutip sumik piumaffigaatigut? Biibilimik atuaqqissaaqatissarsiornermik atorneqarsinnaavoq.
13 min: „Ikioqqugit.“ Oqalugiaat najuuttut peqatigalugit. Tamatta ilaannikkut ikiorneqarnissarput pisariaqartittarparput. Kialuunniit nammakkani nammineq nammattariaqarpaa. (Gal. 6:5) Saperuttali ilagiinni qatanngummik angummik anersaakkut inersimasumik ikioqqulluta tunuarsimaassanngilagut. Tusarnaartut ilaat namminneq misigisimasani allanit asannittumik ikiorneqarnermigut nakussatsinneqarsimanini oqaluttuariliuk.
10 min: „Inuiaqatigiit tamarmik nalujunnaarutissaat.“ Oqalugiaat qatanngummit allatut oqaasilinnik angalaarfigisartakkamik ilagiinni akisussaaffilimmik. Ilitsersuummi nutaami pingaarnersaat ersarittuussapput. Oqaluussisartut angalaarfigisartakkaminni allatut oqaasilik naapikkunikku qanoq ingammik iliussanersut erseqqissaruk. Naluneqanngippat allatut oqaasillit oqaluussisartunit allanit isumagineqartut pulaarneqartariaqanngillat.
12 min: ’Årbogi 2000’. Oqaloqatigiinneq qulequttamillu „Virksomheden i hele verden: Tjenesteåret 1999“-mi, quppernermi 31-mi pingaarnersiukkat sammineqassapput. Taavalu quppernermi 3-5-imi „Et brev fra Det Styrende Råd“ sammineqassaaq. Ilaat oqaluttuartikkit kajumissaarutit tassaniittut qanoq malikkumanerlugit.
Erinarsuut nr. 195 naggasiillunilu qinuneq.
Sapaatip-akunnera 3. apriilimiit
Erinarsuut nr. 72
10 min: Nalunaarutit. Oqaluussiffigisartakkassinnit misigisanik nutaanik toqqakkanik oqaluttuaqarit allat kiffartoqataanissaannut kajumissinartunik.
17 min: „Atuakkamik Giv agt på Daniels profeti!-mik atuaqqissaarneq.“ Apeqqutit akissutillu. Naatsumik oqaluttuarit Biibilimi Danielimik allakkat qanoq iluaqutissarsiffigisinnaanerivut. (Takuuk atuakkami kapitali 1, immikkoortut 15-17.) Tamarmik kajumissaakkit atuaqqissaaqatigiinnermut aalajaallutik najuuttaqqullugit.
18 min: Sualuttumik ajortuliornerit nalunaarutigissallugit pisussaavunga? Utoqqaanertamit ilungersuussisumik oqalugiaat inuusuttunut sammitinneqartoq. Inuusuttut ilaat marloqiusamik inuuneqarput iliuuserisatillu eqqunngitsut isertuuttarlugit. Tamanna ilagiit tamaat anersaakkut ingerlalluarniarnerannut ulorianartorsiortitsineruvoq. Allat sualuttumik ajortuliortarput isertuukkumasarlugillu. Ilagiit iluanni qatanngummik Guutip inatsisaanut sualuttumik eqqunngitsuliortumik paasisaqaruit, taava qanoq iliussavit? 3 Moses 5:1-mi najoqqutassiaq nassuiaruk. (Takuuk Vagttårnet 15. august 1997-meersoq, quppernerit 27-30.) Unge spørger — Svar der duer, quppernerit 68-69 innersuussutigiuk, nassuiarullu taamaattoqartillugu qanoq iliortoqartariaqartoq.
Erinarsuut nr. 68 naggasiillunilu qinuneq.