Juunimi oqaluussinermut tunngasumik ataatsimiinnerit
Sapaatip- akunnera 7. juunimit
Erinarsuut nr. 45
10 min. Nalunaarutit. Guutip Naalagaaffianut Kiffartorneq-meersuttoqqakkat. Erseqqissaruk ilagiit inoroorsaartuunerunissaq qanoq takutissinnaaneraat. Allassimaffiit ilanngunneqarsimasut najuuttullu oqaluuserisigik. Teokratiimit nutaarsiassat. Piffissaq apeqqutaatillugu oqaluussinermi misigisanik oqaluttuarit.
15 min. „Jehovap ajoqersorpaatigut.“ Annerpaamik minutsi ataaseq atorlugu allaaserisap oqaluuserinissaanut piareersaatinik oqaaseqarit. Tamatuma kingorna apeqqutit akissutillu atorlugit sammineqassaaq. Teokratiimik Atuarfiup qanoq nuannaarutissarsiffigisimaneranik oqaluttuartitsigit, Pioneerit atuarfiat, Naalagaaffimmut Kiffartornermut Atuarfik ilaallu ilanngullugit. Erseqqissaruk atuarfiit tamakkua qanoq Jehovap innuttai oqaluussisartutut pikkorinnerulernissaannut ikiorsimagaat.
20 min. „Sapinngisamik piffissaq atorluaruk.“ Oqalugiaat najuuttunit peqataaffigineqartoq. Oqaluussisartut pikkorissut ataaseq marlulluunniit apersukkit piffissartik qanoq piareersartarnerat sapinngisamik sivisuumik oqaluussinermi peqataassinnaajumallutik. Piviusut tunngavigalugit pilersaarusiornerup pingaaruteqassusia erseqqissassavaat. Oqaluttuarissavaat qanoq ilillutik piffissamik tigooraasut, soorlu oqaluussiartortinnani piareersarluanngitsoorneq, oqaluussitilluni kaffisorniarluni unikkallarnerit sivisuallaartut imaluunniit kingusinaarluni aallartinnerit pinngitsoortinniartarneritik. Ilagiissinni pisariaqartitat eqqarsaatigikkit, sapinngisamik piffissap ajunnginnerusumik atornissaanut atoriaannaasunik siunnersuuteqarit.
Erinarsuut nr. 48 naggataarutaasumillu qinnut
Sapaatip- akunnera 14. juunimit
Erinarsuut nr. 63
10 min Nalunaarutit. Ilagiit naatsorsuutat sammineqassapput. Qatanngutit tukkornerat pillugu nersualaakkit, eqqaasikkillu unnuk manna ilagiit nakkaatitsivianut nakkartinneqartut nunanut Europap kangiani Guutip naalagaaffiata sulissutigineqarneranut atorneqassammata. Oqaluussisartut ataaseq marlulluunniit qaammammi matumani oqaluussinermi misigisanik ilikkakkanilluunniit oqaluttuartikkit.
15 min. Tamaani pisariaqartitat.
20 min. „Ikiuisinnaavit?“ Utoqqaanertamik aqunneqartumik najuuttut oqaluuserissavaat. Iteritsi! oktobari-decembari 1995-imi quppernerni 24-mi 25-milu pilersuisut kisermaat qanoq ikiorneqarsinnaanerannik siunnersuutit eqqaasaqarfigikkit. Pilersuisut kisermaat periarfissikkit ilagiinneersut taama asannittuliorlutik ikiuiniarsimanerannut pingaartitsinerminnik ersersitsinissaannut.
Erinarsuut nr. 53 naggataarutaasumillu qinnut.
Sapaatip- akunnera 21. juunimit
Erinarsuut nr. 72
10 min. Nalunaarutit. Ilagiinni atuagaq Unge spørger — Svar der duer imaluunniit ’Ungdomsbogi’ toqqortaatigineqarpata takutinneqassaaq qanoq iluaqutissartalimmik aasap qaammataanni inuusuttuaqqat angerlarsimatillugit naammattoornissaasa ilimanarnerpaaffiani oqaluussinermi atorneqarsinnaasut.
17 min. Videofilmit tusarnaagassiallu atorluakkit. Suli annertunerusumik videofilmit qulingiluat tusarnaagassiallu arfineq pingasut kassettinut immiussat Peqatigiiffiup qallunaatut saqqummersissimasaat atorsinnaavavut? Illit ilaquttavillu videofilmit tamaasa isiginnaarsimavisigit imaluunniit tusarnaagassiat tamaasa tusarnaarlugit? Aqqisa ilaat taakkit erseqqissarlugulu uppernerput qanoq nakussatsissinnaagaat sallusuissullu pillugu paasititsilluarlutik Biibilimillu atuarnitta pissarsiaqarfiginerunissaanut ikiorsinnaalluta. Immiussat marluk pingasulluunniit tusarnaartillatsiakkit. Tusarnaartut oqaaseqartikkit videofilmit tusarnaagassiarluunniit sorliit ilaqutariiullutik qiimmassarneqarnermik misigiffiginerusimaneraat, imaluunniit nutaat ilagiinnut peqataalersinniarnerannut sunniuteqarluarnerpaanersoq. Angusanik ajunngitsunik takutitsisumik oqaluttuarit. (Takuuk atuagaq ukiumoortoq 1999-imeersoq, quppernerit 51-52.) Tamaasa kajumissaakkit videofilmit tusarnaagassiallu atorluaqqullugit.
18 min. „Qalliinnaq isigisarpiuk?“ Oqalugiaat najuuttullu oqaaaseqarnerat. Erseqqissaruk suna pillugu inuit naapitavut sukkavallaartumik isummerfigisassanngikkivut. Naatsumik sammiuk qanoq ililluni Jehovap Jonasimik sukkavallaartumik kukkusumik isummerluni inunnik qinngaqqunnartutut isumaqarfiginninnera pillugu ilinniartitsinera. (Takuuk Vagttårnet 15. aggusti 1997-imeersoq, quppernerit 21-22, immikkoortut 17-19.) Najuuttut oqaluttuartikkit oqaluussinerminni inuit assigiinngitsut naapissimasaat pillugit, aammalu ajunngitsumik isumaqarfiginissaat qanoq pigiinnartarneraat eqqartuussut Jehovamut pigitillugu.
Erinarsuut nr. 77 naggataarutaasumillu qinnut.
Sapaatip- akunnera 28. juunimit
Erinarsuut nr. 85
12 min. Nalunaarutit. Tamaasa eqqaasikkit juunimi oqaluussisimanerup nalunaarutiginissaanik. Juulimi neqerooruutaasussat eqqartukkit. Atuagassiaaqqat ilagiinni amerlasuunik pigineqartut takutikkit, siunnersuutillu ataaseq marlulluunniit saqqummiussinitsinni atorsinnaasavut siunnersuutigikkit. Piareersarluakkamik takutitaqarit.
13 min. Sooq Jehovap innuttami malersorneqarnerat akueraa? Utoqqaanertamit oqalugiaat atuakkami Jehovas Vidner — Forkyndere af Guds rige-mi quppernerni 676-77-imiittut tunngavigalugit. Jesusip siulittuutigisaatulli ’inuiaqatigiit tamarmik uumissorpaatigut’. (Mat. 24:9) Oqaluussinermi peqataatilluta ilaquttavut nalunaajaasuunngitsut ilagitillugit imaluunniit uppeqatiginngisatta akornanniitilluta suliffitsinni atuarfimmiluunniit immaqa akerlilersorneqartarpugut. Oqalugiartup isumalluarpasissumik nassuiassavaa sooq Jehovap malersuineq akerlilersuinerluunniit taamaattoq akuerisaraa qanorlu aalajaattuarnerput naggataatigut nuannaarninngussasoq.
20 min. Inuit sumiiffiinut ornikkit. Oqalugiaat atuakkami ukiuumoortumi 1997-imeersumi quppernerni 42-48-miittut tunngavigalugit. Illumit illumut oqaluussinermi peqataanerput ingerlattuartillugu torrutiinnarlugu oqaluussinissamut periarfissat eqqumaffigissavavut — qaqugukkulluunniit aamma sumiluunniit. Atuakkamit ukiumoortumit misigisalikkersaarutinik oqaluttuareqqiigit ilaasa qanoq ilillutik bussini, aqqusinermi sissamiluunniit, biilini uninngasuni, biilini usisaatilinni ingerlatitsisunut, biilit unikkallartarfianni uninngasunut, oqarasuaat atorlugu imaluunniit allakkatigut oqaluussinerat kinguneqarluarsimasoq. Piffissaqarpat tusarnaartut namminneq misigisamik ilaannik oqaluttuarsinnaapput. Oqaluussisartut kajumissaakkit sumiluunniit inunnik naapitsigaangamik oqaluussinissamut periarfissat atorluarniartaqqullugit.
Erinarsuut nr. 75 naggataarutaasumillu qinuneq.