Decembarimi oqaluussinermut tunngasumik ataatsimiinnerit

Sapaatip-akunnera 7. decembarimit

Erinarsuut nr. 186

10 min: Nalunaarutit, ilaatigut Guutip Naalagaaffianik Kiffartorneq-meersut. Oqaluussinermi misigisimasanik piffissaq naapertorlugu oqaluttuartitsigit.

20 min: „Atuagaq Inuk inuit inuusimasut pingaarnerpaartaat neqeroorutigiuk.“ Apeqqutit akissutillu. Oqaluussisartup pikkorissup takutilliuk immikkoortuni 3-mi aamma 4-mi eqqaaneqartut atorneqarnissaat.

15 min: Kristumiut ilumoortut sooq ukiortaarsiorneq ajortut. Oqalugiaat utoqqaanertamit ingerlanneqassaaq allaaserisanik makkuninnga tunngaveqartumik: gD90 22/12, qup. 14; gD88 22/12, qup. 29; gD86 22/12, qup. 20, 21; gD81 22/12, qup. 13-15. Ukiortaarsiornermut juullisiornermullu tunngatillugu Guutimit nalusut ileqquisa ingalassimalluinnarnissaat naqissuserneqassaaq.

Erinarsuut nr. 176 naggataarutaasumillu qinnut.

Sapaatip-akunnera 14. decembarimit

Erinarsuut nr. 206

8 min: Nalunaarutit. Ilagiit naatsorsuutaat sammineqassapput. Qatanngutit tukkussusiannik nersualaakkit, eqqaasillugillu unnummut tunissutit ilagiinnut tunissutit-nut nakkaatitsivimmut nakkartinneqartut Europap kangiani Guutip naalagaaffiata sulineranut tunissutigineqassasut. Nalliuttuni pilluaqqusinerit pissuserissumik qanoq akineqarsinnaanersut siunnersuigit. Decembarip sinnerani immikkut katersuunnerit eqqaakkit.

12 min: „Nakkutilliisut siuttuusut — Napasuliaq Alapernaarsuiffik-mik atuaqqissaaqatigiinnermik aqutsisoq.“ Napasuliaq Alapernaarsuiffik-mik atuaqqissaaqatigiinnermik aqutsisartumit oqalugiaatigineqassaaq. Suliani oqaluttuarissavaa qanorlu tamarmik atuaqqissaaqatigiinnerup uummaarissuunissaanut, soqutiginartuunissaanut anersaakkullu ineriartornartuunissaanut peqataasinnaanersut eqqartorlugu. — Takuuk Organiseret til at fuldføre vor tjeneste, quppernerit 64-65.

25 min: „Inuunerit Jehovamik pallorfiginninnermik tunngaveqartiguk.“ Apeqqutit akissutillu. Aappaqangitsoq ilaqutariinnilu ittuusoq sapaatit-akunnerannut teokratiimut tungasunik sammisassanut aalajangersimasumik pilersaarutinik eqqortitsisarsimasut apersukkit. Oqaluttuartikkit sooq anersaamut tungasut salliutissagaanni nammineq pilersaaruteqarneq pingaaruteqarnersoq.

Erinarsuut nr. 146 naggataarutaasumillu qinnut.

Sapaatip-akunnera 21. decembarimit

Erinarsuut nr. 163

8 min: Nalunaarutit. Ukiumi nutaami ilagiit ataatsimiittarneri allannguuteqarpata piffissani nutaani ilagiit ataatsimiinnerinut ataatsimiigiartarnissaannik tamaasa kajumissaakkit. Allannguuteqartoqarpat oqaluussisartut eqqaasikkit atuaqqissaaqatigisartakkat, soqutiginnittullu allat tamatuminnga paasiteqqullugit. Oqaluussisartut kajumissaakkit Guutip Naalagaaffianut Kiffartorneq ingammillu ilanngussat toqqortaqqullugit kingusinnerusukkut piffissani assigiinngitsuni innersuussutigineqarsinnaammata.

17 min: Tamaani pisariaqartitat.

20 min: „Uterfigeqqittuartariaqarpavut.“ Apeqqutit akissutillu. Hesekiel 3:17-19 naatsumik oqaaseqarfigiuk, erseqqissarullu mianersoqqussutip tusarliuttuarnissaanik akisussaaffeqaratta.

Erinarsuut nr. 119 naggataarutaasumillu qinnut.

Sapaatip-akunnera 28. decembarimit

Erinarsuut nr. 178

10 min: Nalunaarutit. Eqqaasitsigit decembarimut oqaluussisimanermik nalunaaruteqarnissamik. Atuakkat pisoqaanerusut januaarimi neqeroorutitut atorneqarsinnaasut takutikkit. Eqqaasitsigit oqaluussisartut atuagaasivimmi piniarsinnaasut. Piffissaq apeqqutaalluni misigisalikkersaarummik oqaluttuartitsigit. Piareersagaassapput ilinniutaasinnaallutillu.

15 min: „Teokratiimik Atuarfik 1999-imi iluaqutigiuk.“ Atuarfimmik nakkutilliisumit oqalugiaatigineqassaaq. Oqaluussisartunik oqaluttuartitsigit sapaatit-akunneri tamaasa „Saniatigut Biibilimik atuartarneq“ malinnaaffiginera qanoq iluaqutigisimaneraat. Tamaasa kajumissaakkit ullut tamaasa Biibilimik atuartarnissaannik.

20 min: „Allaanerusugut takusinnaavaat.“ Apeqqutit akissutillu. Sukkut allaanerussuteqarnersugut immikkortut tamaasa immikkut naatsumik sammikkit. Erseqqissaruk paasissutissat tamakkua qanoq ilillutik soqutiginnittunik peqatigiiffimmut aqqutissiuussisinnaasut takutillugulu sallusuissut malikkaanni qanoq ililluni kristumiutut pissutsit ineriartortartut.

Erinarsuut nr. 195 naggataarutaasumillu qinnut.