Oktobarimi oqaluussinermut tunngasumik ataatsimiinnerit
Sapaatip-akunnera 5. oktobarimiit
Erinarsuut nr. 199
15 min. Nalunaarutit, ilaatigut Guutip Naalagaaffianut Kiffartorneq-meersut. Ulloq immikkut kiffartuussiffik qanoq ingerlasimava? Qassit aqqusinermi oqaluusseqataappat? Ilagiit katillugit angusimasaat eqqaakkit. Oqaluussisartoq ataaseq marlulluunniit ullormit immikkut kiffartuussiffimmit, ilaatigut aqqusinermi oqaluussinermit, misigisalikkersaarsinnaapput.
15 min. „Ataatsimeersuarneq ’Guutip inuunermut aqqutigeqqusaa’ iluaqutigaarput.“ Apeqqutit akissutillu. Atuagaq atuagassiaararlu nutaat takutikkit, eqqartorlugulu qanoq atortussat tamakku pitsaasumik atorneqarsinnaasut.
15 min. „Atuagassianik pajuttakkanut Guutip ’naalagaaffiata naatsiiassartai siaruartersigik’.“ Oqalugiaat tusarnaartunit peqataaffigineqartoq. Oqaluussisartut ilaat oqaluttuartikkit qanoq ililluni atuagassianik pajuttagaqartoqalersinnaasoq qanorlu ililluni taakku isumagineqarsinnaasut. Takutiguk atuagassianik neqeroornermi oqaluussisartup atuagassianik nutaanik aggiussinissaa isumaqatigiissutigineqartoq.
Erinarsuut nr. 133 naggataarutaasumillu qinnut.
Sapaatip-akunnera 12. oktobarimiit
Erinarsuut nr. 42
5 min. Nalunaarutit. Ilagiit naatsorsuutaat sammineqassapput. Qatanngutit tukkortuunerannik nersualaakkit, eqqaasitsigillu unnummut Ilagiinnut tunissutit-nut nakkartut Europap kangiani Guutip naalagaaffiata sulineranut nassiunneqassasut.
10 min. „Nakkutilliisut siuttuusut — allatsi.“ Ilagiit allatsiata oqalugiaammi akisussaaffini sammissavai. Erseqqissarpaa tamarmik suleqataarusunnertik takutissinnaagaat nalunaarusiamik piffissakkut eqqortukkut tunniuttarneratigut.
10 min. Pioneeritut anersaaqarput. Atuakkami ukiumoortumi 1998-imoortumi quppernerit 103-107 tunngavigalugit oqalugiaat kajumissinartoq. Eqqaakkit sooq Japanimi pioneerit taama amerlatigisut, suna ikiortigalugu illumi ningiuusut anersaamut tunngasut salliutinnerusinnaagaat, pioneerinngornissamut qinnuteqaatit sumik tunngaveqarnersut aamma pioneerit amerlanersaat kikkuunersut. Nassuiaruk angajoqqaat namminneq pioneeriunermikkut iluaqutaasunik sunniisinnaanerat. Erseqqissaruk pioneerinngorniarluni inuunermi allannguissagaanni isuma suna pisariaqartinneqartoq. Tamaasa kajumissaakkit pioneerinngornissamut periarfissatik qinunikkut ilumoorullugit eqqaarsaatigeqqullugit.
20 min. „Atuagassiat atuartarpigit?“ Apeqqutit akissutillu. Nammineerluni atuartarnermut pilersaarut pillugu siunnersuutit atoriaannaasut ’Skolehåndbog’-imi kapitali 4-mi, immikkoortuni 5-imi 6-imilu taaneqartut eqqartukkit.
Erinarsuut nr. 107 naggataarutaasumillu qinnut.
Sapaatip-akunnera 19. oktobarimiit
Erinarsuut nr. 16
10 min. Nalunaarutit. Atuagassiani nutaani allaaserineqartut pitsaasut ilaat eqqaakkit. Atuakkami ukiumoortumi 1997-imoortumi quppernerni 44-mi 45-milu aamma Vågn op!-imi 22. oktobari 1996-imoortumi, quppernermi 32-mi misigisimasat oqaluttuarikkit. Tamaasa kajumissaakkit weekendimi atuagassiat atorlugit oqaluussinissamut peqataaqqullugit.
15 min. Tamaani pisariaqartitat.
20 min. Qanoq ililluni Napasuliaq Alapernaarsuiffik-mik atuaqqissaaqatigiinnissamut piareersartoqarsinnaasoq. Napasuliaq Alapernaarsuiffik-mik atuaqqissaaqatigiinnermik aqutsisup tusarnaartut peqatigalugit makku sammissavai: Vagttårnet 15. maaji 1986-imoortoq, quppernerit 19-20, immikkoortut 16-18, aamma ’Skolehåndbogimi’, kapitali 7-imi immikkoortoq 11, kiisalu kapitali 18-imi immikkoortut 4-6. Tusarnaartut apeqqutinik makkuninnga akitikkit: (1) Sooq pingaaruteqarpa Napasuliaq Alapernaarsuiffik-up normui tamaasa sapinngisamik annerpaamik pissarsiffiginissaat? (2) Napasuliaq Alapernaarsuiffik-mik nutaamik tigusigaangatta qanoq iliortariaqarpugut? (3) Qanoq ililluta atuaqqissaaqatigiinnissamut piareersarluarsinnaavugut? (4) Allaaserisap qulequtaa allassimaffiillu innersuussutigineqartut eqqarsaatigalugit suut eqqumaffigineqartariaqarpat? (5) Ilikkakkavut qanoq uteqqissinnaavavut? (6) Allaaserisaq atuaqqissaareeraangatsigu pingaarnersiukkat suut eqqarsaatigisariaqarpavut? (7) Qanoq ililluni oqaaseqarnissaq piareersarneqartariaqarpa? (8) Apeqqut ataaseq qanoq arlalitsigut akineqarsinnaava? Ilaat oqaluttuartikkit Napasuliaq Alapernaarsuiffik-mik atuaqqissaaqatigiinneq sapinngisamik annerpaamik pissarsiffigiumallugu qanoq iliorsimasut. — Takuuttaaq Organiseret til at fuldføre vor tjeneste, quppernerit 63-65.
Erinarsuut nr. 95 naggataarutaasumillu qinnut.
Sapaatip-akunnera 26. oktobarimiit
Erinarsuut nr. 98
10 min. Nalunaarutit. Eqqaakkit ilagiit atuakkat pisoqaanerusut periarfissani tulluartuni neqeroorutigineqarsinnaasut suut pigigaat. Decembarimi ullut arlallit sulinngiffiussammata inuusuttut kuisimasut allallu ikiorti-pioneeritut kiffartornissamut periarfissaqarluassapput.
20 min. Ilaqutariinni upperisarsiornikkut avissaarsimasuni Guutimik mianerinninnikkut naalanneq. Napasuliaq Alapernaarsuiffik-mi 1. juuni 1995-imoortumi quppernerit 26-29 oqalugiaatigineqassapput. Nalunaajaasuunngitsumik aappallit inussiarnersumik kajumissaakkit isumalluartuunissaannut ilagiillu sammisartagaannut peqataanissaannut.
15 min. Piffissaq eqqorlugu ataatsimiigiartarit. Ilagiit atuakkamik atuaqqissaaqatigiinneranni aqutsisut marluk pingasulluunniit ataatsimiinnernut inortuisarneq pillugu oqaloqatigiinnerat. Nalunngilaat pissutsit immikkut ittut, assersuutigalugu ajornartoornerit, sila imaluunniit angallannerit ilaallu ilanngullugit, inortuinermut pissutaasinnaasut. Ilaasali inortuineq ileqquliutiinnarsimavaat. Isumalluartumik kajumissinartumillu tusarnaartut peqatigalugit oqaloqatigiissutigineqassaaq piffissamik eqqorluaasuussagaanni suut pisariaqartut: (1) ataatsimiigiarsinnaanermik immikkut pisinnaatitaaffittut isiginninneq, anersaakkut inuussutissat ataatsimiinnernilu katerisimaaqataanermik pingaartitsineq, (2) angerlarsimaffimmi pilersaarusiorluartarneq aaqqissuussilluartarnerlu, (3) ilaqutariit ilaasortaasa suleqatigiikkusussusiat; (4) aniaartarneq nalunartunullu piffissalerneq, kiisalu (5) ataatsimiigiartut allat akornusersunnginnissaannik ilumoortumik kissaateqarneq. Naggataatigut tamarmik kajumissaarneqassapput ilungersorlutik ataatsimiinnernut inortuinaveersaartaqqullugit.
Erinarsuut nr. 86 naggataarutaasumillu qinnut.