Ataatsimeersuarneq „Guutip inuunermut aqqutigeqqusaa“ iluaqutigaarput
1 Qaammatialuit matuma siorna ataatsimeersuarneq „Guutip inuunermut aqqutigeqqusaa“ najuuffigissallugu pilersaarusiorsimavugut. Maanna ataatsimeersuarneq tassaalerpoq peqatigiiffitta teokratiimut tunngasumik oqaluttuarisaaneranut ilaa puiugassaanngitsoq. Anersaakkut inuussutissat pisimasavut nuannaarutigaavut.
2 Ataatsimeersuarneq nunat ilaanni inuiannit tamalaanit peqataaffigineqarsimavoq, tamannalu pissangarnartuusimavoq. Ataatsimeersuarnermi illit peqataaffigisanni ajoqersuiartortitanik imaluunniit nunanit allanit tikeraartunik najuuttoqarpa? Qanorluunniit pisoqarsimagaluarpat ataatsimeersuarnerup ulluisa siullianni ualikkut oqalugiaammi „Ajoqersuiartortitatut kiffartorneq“-mi nuannersunik misigisagalikkersaartoqarpoq. Ullut tamaasa nunanit assigiinngitsunit „Katersuilluni suliami siumukarnerit pillugit nalunaarutit“ tusarnaarlugit kajumissinartorujussuusimavoq.
3 Naqitikkat nutaat: Ullormi ataatsimeersuarfiusumi siullermi oqalugiaammi kingullermi inuppassuit sallusuissummik ilisimasaqanngitsut apeqqutigisartagaat sammineqarpoq: „Toqup kingorna inuuneqarpa?“ Oqalugiaammi pissanganartumi tamatumani atuagassiaaraq nutaaq Toqugutta qanoq pissaagut?-mik qulequtalik saqqummersinneqarpoq. Qularnanngitsumik atuareersimavat paasisimallugulu inuit toqusimasut pillugit sallusuissummik paasitinniarneranni iluaqutaasorujussuussasoq; makinnissamik neriuut tassani nassuiarneqartoq aamma asasaminnik toqusoorsimasut tuppallersaatigisinnaavaat.
4 Ullut ataatsimeersuarfiusut aappaanni ualeq oqalugiaammik „Pinngortitsisup — kinaassusia aqqutigeqqusaalu“-mik naggaserneqarpoq. Tassani pinngitsoorani Pinngortitsisoqarsimanissaanut tunngavilersuutit pitsaasut paasivavut. Allat tamatuminnga paasitinniarnissaannut ikiuutissatut atuagaq Findes der en Skaber som interesserer sig for os? (Uatsinnut soqutiginnittumik Pinngortitsisoqarpa?) saqqummersinneqarpoq. Atuakkap Jehovamut uppernerput nakussatsissinnaavaa kinaassusianillu iliuuserisaanillu paasisaqartissinnaalluta, pingaartumilli inuit ilinniartitaalluaraluartut Guuteqarneranik uppinngitsut eqqarsaatigalugit allanneqarsimavoq.
5 Aalajangersagaq ilumoorussaq: Ataatsimeersuarnermi oqalugiaatit kingullersaanni erseqqissarneqarpoq tamatta ’Jehovap aqqutigeqqusaani ingerlajuarnissarput’ qanoq pingaartigisoq. Nuannaarluta aalajangersagaq angerfigaarput nalunaarutigalugu tamatigut inooriaaseq Jehovap aqqutigeqqusaa aalajangiunniarlugu, illersorniarlugu siuarsarniarlugulu. (Jes. 30:21) Maannakkut aalajangertariaqarpugut angerfigisarput eqqortissallugu. Aap, ataatsimeersuarneq „Guutip inuunermut aqqutigeqqusaa“ najuuffigigatsigu anersaakkut pissarsisimaqaagut.