Apeqquteqarfik

◼ Kuisinnissamut sassarnermi qanoq atisaqartoqartariaqarpa?

Biibilip oqaaqqissaarutaa ’ippinnaatsumik ittoorajuttumillu’ atisalersortarnissarput kristumiunut sumiluunniit najugaqaraluartunut tamanut atorpoq. (1 Tim. 2:9) Najoqqutassaq tamanna aamma kuisilernermi suna atussallugu aalajangiilernermi eqqarsaatigisariaqarpoq.

Vagttårnet-imi 1. juuni 1985-imeersumi, quppernermi 29-mi, kuisittussanut ima siunnersuuteqarpoq: „Nalunnguffasit atukkat soorunami anneruniajuitsuunermik piitaajuitsuunermillu nittaasariaqarput. Tamanna ullumikkut erseqqissarneqartariaqarpoq, mutit kinguaassiuutitigut takoqqusaarnerujartuinnarmata quleqannginnerujartuinnarlutillu. Eqqaamasariaqarportaaq nalunnguffasit ilaat panertillutik piitaajuitsutut isikkoqartarmata, masatsillutilli taamaannatik. Kuisittup kialuunniit taama pingaartigisumik pisoqartillugu mamiatsatsitsinissaq tulluanngitsumilluunniit malugeqqusaarnissaq kissaatigineq ajorpaa. — Filípimiut 1:10.“

Taamaattumik nalunnguffasit akimut ersiinnartut timimulluunniit nipputtartut, naleqqutinngillat, tujuuluaraq allagartalik ussassaarutililluunnit aamma naleqqutinngilaq.

Utoqqaanertat kuisittussarlu apeqqutit pigaangamikkit, tulluartumik atisaqarnissaq aamma eqqartussavaat. Taamaalilluni kuisitsineq ataqqinnippaluttumik naammassineqassaaq, silamiuninngaaniillu avissaangaannassalluta. — Naleqqiuguk Juánase 15:19. (kmD 6/93 Spørgsmålskassen)