Ilagiit tunissutinut nakkaatitsivii

Siunissami rigssalimi marluinnarnik tunissutinut nakkaatitsiveqalissaaq. „Ilagiinnut tunissutit“-mik allagartalimmut ilagiit aningaasartuutaannut rigssalimut, angalallutik nakkutilliisunut il. il. tunissuteqartoqarsinnaavoq.

Aappaani „Nalagaaffiup sulineranut tunissutit — Matîuse 24:14“ Jehovap Nalunaajaasuisa silarsuarmi tamarmi oqaluussinermik sulinerannut tunissuteqartoqarsinnaavoq. Aningaasartuutinut taakkununnga ilaapput betelimi angerlarsimaffinnik naqiterivinnillu ingerlatsinerit, ajoqersuiartortitanik, specialpionerinik angalallunilu nakkutilliisunik angalatitsinerit, ataatsimeersuarnernik atuarfinnillu ingerlatsinerit. Atuakkanut, atuagassianut naqitaaqqanullu aningaasartuutittaaq tunissutitigut taakkunatigut matuneqartarput.

Qaammammut ataasiarluni EUROPAP KANGIA-nut tunissuteqarnissamut periarfissaqassaaq, ilagiit tunissutinut nakkaatitsivii qaammatit tamaasa kiffartuussinermut ataatsimiinnerit aappaanni tunissutit tamarmik taakkununnga nakkartassapput. Nakkutilliisup siulittaasup kiffartuussinermut tunngasumik ataatsimiinnerup aallartinnerani tamatuma oqaatigineqartarnissaa isumagisassavaa.

Siunissami PEQATIGIIFFIUP RIGSSALINUT FONDIA-nut tunissutit ilagiit ataasiakkaarlutik aalajangiinerisigut periarfissarisinnaasaat kissaataallu naapertorlugit nassiunneqartassapput. Utoqqaanertat naleqqussorisaminnik isumaqatigiissutigisamik nalunaaruteqartassapput.

Piumasut namminneerlutik immikkoortortaqarfimmut Holbækimiittumut soorunami suli nassitsisinnaapput.

Ilisimassavarsi tunissutisi qujarunneqarmata. Jehovap uummammik qujamasulluni nammineq piumassutsiminik nuannaarlunilu tunisisoq asavaa. (2 Kor. 9:7) Itsarsuartulli Guutip inuttai uummammik iluunngarlutik namminerlu piumassutsimik Jehovamut tunisineq nuannaarutigaat. — 1 Israelikkut 29:9. (kmD 6/93 Menighedens bidragsbøsser)