Nalunaarutit

◼ PIFFISSAT ATAATSIMIIFFISSAT: Peqatigiiffiup allaffeqarfiini naqiteriviinilu sulinerit ataqatigiissinniarlugit aalajangerneqarsimavoq piffissat ataatsimiiffiusut allanngortinneqassappata qaammatisiutit ukiuat malinneqassasoq. Imaappoq piffissat ataatsimiiffissat aatsaat januaarip aallaqqaataani 1994-imi allanngortinneqarsinnaapput.

◼ Nuannaarutigalugu nalunaarutigisinnaavarput ullup immikkut ittumik kiffartuussinissap tullia arfininngornermi oktobarip 2-ani pilersaarutaammat. Oqaluussisartut tamarmik kajumissaarneqarput peqataanissartik maannakkumiit pilersaarusioreeqqullugu. Piffissaavortaaq oktobarimi ikiorti-pioneriusinnaanerluni maannakkut eqqarsaatigissallugu, tamatumunnga tunngatillugu malugiuk tallimanik weekendeqasammat.

◼ Erseqqissumik nassuitsumillu Jehovap nalunaajaasuinit pulaaqqinneqarumanani qinnuteqartoqarpat immaqalu allattorsimaffiutitsinnut allatsittoqarusuppat, tamanna ataqqineqassaaq. Ulloq, ateq sumilu najugaqarnera oqaluussisartullu aqqa allagartanngorlugu qatanngummut ilagiit distriktiinik nakkutiginnittumut tunniunneqassaaq, distriktimullu pineqartumut allassavaa. Oqalussisartut qinnuigineqarput allattorsimasut taamaattut eqqumaffiginiaqqissaaqqullugit ataqqeqqullugillu. Ajoraluartumik ilaasa taamaaliornissartik sumiginnartarpaat, suliarpullu tamatumuuna ajoquserneqarsinnaavoq.

Erseqqissaqqinniarparput atuagassianik allanilluunniit utaqqisarfinnut assigisaannulluunniit akuersissummik pitinnani ilisineq eqqortuunngimmat. Ammattaaq allagartaq „Usassaarutinut qujaannarpunga“ ataqqineqassaaq, taamaattumillu atuagassianik naqitaaqqanilluunniit taakkununnga nakkartitsisoqassanngilaq.