úputit 1:1–5:22

Jehova aliasuttunik neriutsitsivoq

JEHOVA Guutiuvoq upputiginnittunik, tassa aliasuttunik, allaat ’neriutsitsisoq’. (Rûmamiut 15:13) Tamanna erseqqissarneqarpoq úputit-ni, Jehovap pruffiitiata nalunaajaasuatalu, Jeremiasip, ukiumi 607-imi u.n.a.s. allagaani. Tamakku sumik ilinniarfigisinnaavavut?

Jerusalem atugarliortoq

Ajortuliorneq nuannaarutaanngilaq. Atagu! Ajortuliortut illoqarfiat, Jerusalem, Judap illoqarfiisa pingaarnersaat qanga inulissuusimagaluartoq, maanna kiserngoruppoq. Piuneerussaagami Judap assigaa kunngip pania uillarneq qiasoq. ’Ikinngutigigaluisa,’ soorlu Ægyptenip, ukiumi 607-imi u.n.a.s. Babylonimit tiguarneqarnerani annaassinnaasimanngilaat. Inuit nalliussivinni Zionimut aggiassaarput. Qitornai tigusaapput, perlussiorneri erloqisitsisaasa illaatigaat. Nunani allamiut iluaatsut naalaffik illernartoq nalinginnaatippaat, innuttaasalu erlinnartuutitik nerisassanut akigaat. Ajortuliornerallu pissutaavoq! — 1:1-11.

Ajortuliortunik pillaagaangami Jehova naapertuilluartumik pisarpoq. Jerusalemip nammineq tamanna miserratiginngilaa. Aperivoq Guutip taassuminnga anniartitsisimaneranut nallersuussinnaasumik alianartumik peqarnersoq. Taassuma inneq naalaffimmik piuneerussisoq aallartissimavaa. Illoqarfimmiut ajortuliaat nammaatatut ipput, aallu paarmat isseratut kuuppoq Guutip ’tunguiaaffia’ tummarmagu. Zion aliasungaarluni qinullunilu assamminik isattorpoq tuppallersaataananili, Jehovalu naapertuilluartumik iliorpoq Jerusalemimik naalasseriitsumik pillaagami. Qanortoq akerai ajugaasimaartut taama sukannertigisumik iliorfigigiligit. — 1:12-22.

’Jehovap kamannera’

Akisussaasut pisuupput ajortimik avoqqaarinninngikkunik. Guutip Jerusalem ’qilammit nunamut igippaa’ illoqarfik ’isikkamilu tummarfiat’, naalaffik, aserortikkamigit. (Tussiaat 132:7) Tassuuna naalagaaffik Juda ’nalinginnaatippaa’. Akeqqat nalliussivimmisut nipertik anillugu naalaffik aserorpaat, naatsiiviup illuaraatut ilersillugu. Meeqqat toqujartortut anaanatik nerisassanik qinnuigaat. Kikkulli pisuuneruppat? Tassaapput pruffiitioqqusersut Jerusalemimiut ajortuliaat avoqqaarinagit kisianni salloqittaasumik nalunaaruteqartartut. (Jerimia 14:13) Qinussalluni naleqqutissaaq, tassami ’Jehovap kamannerata ulluani’ tamatumani toqusorpassuaqarmat! — 2:1-22.

Jehova naakkinnittuarpoq

Jehova neriuffigiuartariaqarparput. Jeremiasip tamanna erseqqissarpaa inuiaat naalliutsitaasut sinnerlugit oqalunnermini. Qinnutaa Guutip akornuserpaa, akeraasalu taanna asissuissutigaat. ’Jehovamit neriugisani’ tammaavaalusooq. Neriuffigiuassavaali, ’Jehova avaaginnittuummat utaqqisiminut’. — 3:1-27.

Ilumoortumik peqqissimineq Guutip naakkinninneranik kinguneqararaaq. Tamanna qularinnginnamiuk, Jeremias ima oqaaqqissaarivoq: ’Jehovamut saatta.’ Inuit ajortuliaat pissutigalugit, kamannini nuissatut ilersillugu Guutip taakkua qinnutaat imminut apuutitsaalivai. Jeremiasili ima qinnuteqarpoq: ’Atikkut torlorfigaakkit, Jehova. Siutitit matoornaviikkit anersaamininnut torlulaninnullu.’ Soorunamili, akeqqat peqqissiminngitsut suujunnaarsinneqassapput. — 3:28-66.

’Utersartigut’

Piaaraluta ajortuliorutta aserornissatsinnut pisuusinnaavugut. Judakkut ajortuliaat pissutigalugit ’Zionip inui erlinnartut’ marramik sanaajusutut aserorsimasutut isigineqalerput. Illoqarfiup ungusaanerata nalaani pannamik toqutat perlertunit iluanaarnerupput. Guutip ilumut ’kamannini katsungaatsoq kuerarpaa’. Pruffiitit palasillu minguttuunngorsimasut tappiitsutut maangaannaq angalapput, kunngilu Zedekias — ’Jehovap tanitaa’ — tigusaavoq. Maanna Edomip inui ajortuliortut Guutip saappai. — 4:1-22.

Jehova kisimi upputiginnittunik neriutsitsivoq. Jeremiasip tamanna paasivaa, ima qinugami: ’Jehova, eqqaagit qanoq ilersugut.’ ’Nunani allamiut illuvut inigaat. Siuaasatta ajortuliaasa kinguneri uagut atorpavut, nukappiaqqallu inussiaallutik qisuttarput.’ Jeremiasillu naakkinnittuliorfigineqarnissaq neriugaa: ’Ilinnut utersartigut, Jehova, utersimaleqqulluta.’ — 5:1-22.

úputit ukuninnga ilinniarfigisinnaavavut: Ajortuliorneq nuannaarnermik kinguneqarneq ajorpoq. Ajortuliortunik pillaagaangami Guuti naapertuilluartumik iliortarpoq, akisussaasullu pisuusarput ajortuliornermik avoqqaarinninngitsooraangamik. Jehova neriuffigiuartariaqarparput, qularinagu ilumoortumik peqqissimisut Guutip naakkigissagai, piaaralutali ajortuliorutta aserornissatsinnut nammineq pisuussaagut. Allakkat Guutimit isumassarsiarititaasut taakkua qularunnaarsippaatigut Jehova kisimi upputiginnittunik neriutsitsisuusoq. (wD 1/9 88)