Lutherikkut ilumoortut?

Upperisarsiornermik ilisimatuut ilagiit qallunaat iluanni atorfeqartut isumanerluutigaat qulakkiivissinnaannginnamikku lutherikkuusut sorliit ilumut lutherikkuunersut. Ecumenical Press Service naapertorlugu upperisarsiornermik ilisimatooq dr. Johannes Aagaard ima oqarsimavoq: „Ilagiinnut nalinginnaasunut [lutherikkuusunut] ilaasortaasut tuusintilippassuit [upperisarsioqatigiinnut allanut] ilagiiussutsip nalinginnaasup isumaanut kattunneqarsinnanngitsumik isumalinnut [ilanngussimapput]. Kisianni arlaannaataluunniit sinnattorisinnaanngilaa qallunaat ilagiivinut nalinginnaasunut ilaasortaajunnaarnissani.“ Taanna oqaluttuarpoq lutherikkut ilaat Scientologymut, Buddhasiornermut hindusiornermullu nuussimasut, „kisianni ilagiinnut nalinginnaasunut ilaasortaaginnarlutik, ilaasortaajuaannarusuppullu“. Isumaqarpoq biskoppit „ajornartorsiummik tamatuminnga aaqqiiniarnissaminnut pisussaasut“.

Ajornartorsiutilli aaqqinniarnissaanut taarsiullugu biskoppip Thorkild Græsholtip pissutsit tamakku ippinnaateqanngitsutut isigineqartinniarsarai. Biskoppit, palasit ilagiinnullu sinniisaasut „soorunami . . . lutherikkuusariaqarput“, oqaatsini taama ilavai. Ilagiinnulli nalinginnarnut ilaasortaasut ataatsitut isigalugit ima nangippoq: „Ilagiit nalinginnaasut oqaluttuarisaaneranni inuit ataasiakkaat aammalu immikkoorniaqatigiit assigiinngitsut nipituuliorlutik ajoqersuinerlunneraallutik imminnut pasisaqattaattarsimaqaat. Akerlilerneqarsinnaanngilarlu oqartoqassappat taamaaliortarsimasut ilagiinnut nalinginnaasunut taakkuusunut tamarmik ilaasortaasut.“

Kristumiut ilumoortut pillugit Paulus ima allappoq: ’Ataasiusumik isumalioqatigiigitsi Kristus Jesus malillugu, isumaqatigiillusi qanermik ataatsimillusooq Guuti Naalakkatta Jesus Kristusip Ataataa unnersiutigeqqullusiuk.’ (Rûmamiut 15:5, 6) Unnersuussut tamanna paatsoorneqarsinnaanngitsoq Paulusip Romami ilagiinnut kristumiunut ilaasortaasunut tamanut, nakkutilliisuusunuinnaanngitsoq, allagaqaatigisimavaa. (Rûmamiut 1:1-7) Guutimut kiffartortut Kristusimullu ajoqersugaasut tamarmik guutisiornerminni isumaqatigiissuusariaqarput. — Evfisumiut 4:1-3. (wD 15/8 88)