sujunigssamut torkigsisimanartumut mãnákut upalungaersaigit
ILUMÔRPOK’ pigissavta nunap pîsa isumangnaitdlisarnigssãnut ĸanoĸ iliûseĸangârsínáungínavta. ilungersunartup ilâ aningaussat silatusârtumik atornerisigut ãmalo akiligagssarsisínaunerup atornigssâta mianerssûtigineragut oĸilisíneĸarsínauvoĸ, kisiáne aningaussaĸarniarnermut súnîssut angnerssait uvagut súniuteĸarfigíngitdluínarpavut. igdlersûtigisínaussavtínik isumakulûteĸángĩ- nássutigisínaussavtínigdlo peĸaraluarporme. bîbilime agdlagsimavoĸ: „mássa ilisimássut pinavêrĸutauvoĸ [igdlersûtauvoĸ], sôrdlo aningaussat pinavêrĸutaussartut [igdlersûtaussartut]; kisiáne ilisarssivdlune iluanâĸutigissaĸ tássa ilisimássut inuata inũssuteĸautigissarmago.“ — akugdlîssup oĸausê 7:12.
ilisimássut táuna tássáináungilaĸ ilisimássuseĸ silamiorpalugtoĸ. „[Jehovap] túniútarmago ilisimássut; táussuma ĸarnanit pissarput ilisarssíssut sujuneĸarnerdlo.“ (ússatit 2:6) ilisimássut táuna bîbilimik ilíniarĸigsârdlune upalungaersainíkut anguneĸarsínauvoĸ. ilisimássut ĸanoĸ ilivdlune „igdlersûtau“sínaugame? sujugdlermik bîbilimik ilisimassaĸalernerup uvdlumíkut aningaussarsiorníkut ajornartôrnermut issigingningnerput avdlángortítarpâ. pâsissarparputdlo bîbilip oĸautigissaine „uvdlugssane kingugdlerne“ inûssugut. (2 Timûtiuse 3:1-4) uvdlugssaĸ Gûtip aulajangersimassâ nagdlerpat ârĸigssũssaĸ pâtsivêruvfiussoĸ uiverfioĸissordlo tamána uvdlorme erĸortũssivfigssâne pêrneĸarumârpoĸ. (2 Pîtruse 3:12, 13) ússatinilo 11:4-me (NW) mianerssorĸússuteĸarpoĸ: „pisũssutit iluaĸutáungitdlat kamangnerup uvdluane.“
tamána pâsisimagáine timip pînik norĸaivatdlâlugsínarnerme isumakulûtigssaugaluit píngitsôrneĸartarput. ingassagpatdlâmik pigissanik nákutigdlîvatdlârungnaernartarpoĸ, tássa naluneĸ ajoravtigo timip pînik pisũssutit tigssujassûssut. ãmalo inûvdluarniutit nutaunerpât akigssaĸartíngíkângavtigik nikatdlorneĸ ajordluta. „súnguamingme nagsataĸarnata silamut matumúnga pigavta, nalunángilaĸ súnguamik nagsataĸarnata kingumut ĸimásagigput. nerissagssaĸardlutale atissagssaĸaruvta tamáko nãmagísavavut.“ — 1 Timûtiuse 6:7, 8.
aningaussatigut „isumangnaersimassut“ agdlât ilisimássut Gûtimik mianeringningnartoĸ tamána iluaĸutigisínauvât. Timûtiusimut agdlagkamine sujugdlerne 6:17, 18-ime apustile Paulus nangitdlune oĸarpoĸ: „silame matumane pisûssut inákit perrôrĸunagit pisũssutitdlũnît avdlángujaĸissut isumavdlûtigerĸunagit Gûtile isumavdlûtigerĸuvdlugo, táussuma atugagssavtínik sunik tamanik tuningârtarmatigut, ajúngitsuliorĸuvdlugitdlo ajúngitsulianik pisũngorĸuvdlugit.“ bîbilip pilerfiata nalâne agdlât timip pînik pisũssutit ’avdlángujasimaĸaut’. taimáitumik kristumiut pigigsârtut pâsissariaĸartarpât aningaussat ĸularnaitdlisaisínaunerarneĸarnerat taimáisoringningnerínaussoĸ. pisũssutit pínagit Gûte isumavdlûtigissariaĸarpât.
taimáitordle tamána isumaĸángilaĸ „naggatigssap“ nagdliúnigssâ ĸanoĸ iliûseĸaratik utarĸísagât. „ajúngitsulior“tásáputdle „ajúngitsulianik pisũngor“niardlutik. sôruname taimatut iliúsagáine piumássuseĸ pivfigssarujugssuardlo pissariaĸarput. uvdlumíkut amerdlaĸaut „sulineĸ“ tusáinardlugo nigortartut. ivdlit ĸanoĸ ípit? bîbilip ajoĸersũssinera maligkumaviuk? ’asuke,’ amerdlasût akísagaluarput. amerdlanerit malingnilíngínermingne erĸarsautigerĸârtarunarpât taimailiorunik súkut iluaĸutigisínaunerdlugo. bîbilimik malingningnerup suna nagsatarâ? taimatutdlo pivfigssaiautiginigssâ ilungersûtiginigssâlo ingminut akilersínaunersut? aperĸutit táuko akisínaujumavdlugit tamatumúnga upalungaersarneĸ túngavigssiulâriartigo.
upalungaersarneĸ nalileruk
niuvertup píkorigsup pilerssârúmut aningaussalĩngínermine nalorninartortai, taorsigagssarsivdluarsínáussuseĸarnera, sujunigssame pissugssatut ilimagissat, iluanârutigssat migssingersûsiornere ãmalo akigssarsiagssap saniatigut iluaĸutigineĸarsínaussut misigssorĸârumassarpai. pissauseĸ tamána ’Gûte isumavdlûtigísanerdlugo’ erĸarsautigerĸigsârnerane ĸanoĸ ilivdlugo atorsínauvarput?
sujugdlermik erĸarsautigerĸigsâriaruk taorsigagssarsivdluarsínáussuseĸarneĸ ĸanoĸ pâsissariaĸarnersoĸ. pingârnerssâtigut isumaĸarpoĸ únerĸarigsutut, tatiginartutut, issigineĸarnigssaĸ, sujusingnerussúkut taimatut ítũssutsip takuterêrsimanera píssutigalugo. tamána erĸarsautigigáine uvdlumíkut aningaussarsiorníkut ârĸigssugauneĸ únerĸarigsũngitdluínarpoĸ. ãma ugperissarsiornerme nâlagkersuinermilo pissortaussut ĸanoĸ tatigineĸartigaut?
igdlua-tungâtigutdle Gûtip tatigissagssáussusia nalilerniásaguvtigo, ĸanoĸ ítutut oĸautigineĸásanerpa? erĸartũssissup Josuamik atigdlup Gûte inûnine tamât kivfartorfigisimavâ. ukiorpagssuarne puilassuitsoĸ naggordlugtoĸ ingerdlaorfigisimavâ, sorssungnerne akiũtarsimavdlune, inungnutdlo nâlagserîtsunut erĸartũssissûsimavdlune; tamákule ardláinâtalũnît Gûtimut tatigingningnera ĸajangnarsisísimángilâ. isumavdluarpalugtumik oĸarsimavoĸ: „atalo, uvanga mãna nunamiut tamarmik ilerĸuatut autdlalersunga; ũmativsigutdle ilũngardluse tarnivsigutdlo ilũngardluse ilisimásause, oĸautsimik atautsimigdlũnît atúngitsoĸángitsoĸ oĸautsit ajúngitsut tamarmik ilãnik, [Jehovap] Gûtivse ilivsínut oĸauserissaisa; tamarmik ilivsínut erĸũput; ilãnik oĸautsimik atautsimigdlũnît atúngitsoĸángilaĸ.“ (Jôrsua 23:14) Jehovap ĸularnaitdliserêrpâ sulivfeĸarfingnit inungnit pilersíneĸartunit tamanit únerĸaringnerungârnine. ĸajangnaitsumik túngavigssaĸarpoĸ neriorssûtai upalungaersaivfigísavdlugit.
nalorninartortâme? oĸartoĸarajugtarpoĸ aningaussalînerme iluanârutaussugssatut ilimagineĸartoĸ agdliartortitdlugo, nalorninaĸutai agdliartortartut. sulivfeĸarfingnut inuit pilersitáinut tunârtaringningnerme nalorninartorsiorpatdlârtarnermut píssutaussut ilagait inûp píssaunera, pissugssanik sujumut issigingningnera kîsalo inûnerata sivisússusia kigdleĸaĸingmata. bîbile píssuteĸardluardlune ima sujúnersûteĸarpoĸ: „Tunaareqinasigit naalagaanertat, inuit ikiuisinnaassuseqanngitsut. Anerningerunik kingumut issunngussapput, pilersaarutaallu ulloq taanna maangaannassapput.“ (Tussiaat 146:3, 4) Gûtivdle neriorssûtainik tatigingnigtut taimatut nalorninartorsiúngitdlat. ĸilangme nunamilo kisime oĸartugssauvdlune nâlagaussutut Jehova kigdleĸángitsumik pisũssuteĸarpoĸ! sujunertaminik nãmagsingningniarnerane kiavdlũnît akornusersínáungilâ. toĸup agdlât inuit ugpernermíkut kivfartornermingne ’upalungaersainermingne iluanârutigssãnut’ akornusersínáungilai, Jehovavme neriorssorsimavai pissariaĸásagpat kivfartortine makitíkumârdlugit. — Juánase 5:28, 29; apustilit suliait 24:15.
sujunigssame pissugssatut sût ilimagissariaĸarpavut Gûte tatigissagssatut torĸaruvtigo? sût iluanârutitut akigssarsiagssavdlo saniatigut iluaĸutigssat ilimagissariaĸarpavut? nunarssuarmik matumínga píngortitsissoĸ aningaussat unigtitagssáungitsumik nalêrúkiartorneránit, mingugtitsinermit angnertusiartuínartumit, nakûsernermit unigtitagssáungitsumit ãmalo sákugssaliorníkut ingiarniúnermit sualugsiartuínartumit pitsauneroĸissunik nunarssuaĸ pivdlugo sujuligtûteĸarpoĸ. neriorssuivoĸ ’nunamik aseruissut aserorumârdlugit’. (sarĸúmersitat 11:18) ’sorssungnerit soraersíkumârpai’ sákutdlo pîarumârdlugit. (Tussiaat 46:10) nunarssûp inue nâpertuivdluartut ’ánilârsarneĸá’sángitdlat, tássame nakûserniarnerit toĸulo ĸangángorumârmata. (Migga 4:4) tamáko tássáungínerdlutik sujunigssame pissugssatut ilimagissat kigsautigineĸarsínaussut pitsaunerssait?
mássákut „upalungaersarit“
erĸarsautigissariaĸarpordle pivdluarĸússutigssat tamáko angujumagáine sulerulôrĸârtariaĸarmat. tamána pivfigssamik nukingnigdlo naleĸásaoĸ. sujunigssamigdle torĸigsisimanartumik kinguneĸásángínerpa? ássersũmik taissaĸariarta: ássersûsiordlune oĸalungnerme ilãne Jesusip „inuk niuvertûssoĸ“ sapánganik kussanartunik sitdlímatigssaminik ujardlersoĸ erĸartorpâ. „sapángarigsordlo atauseĸ akisôrssuaĸ takugamiuk pigissane tamaisa tuniartorpai táuna pisiaralugo.“ (Matîuse 13:45, 46) Gûtip nâlagauvfingmik nâpertuivdluartumik neriorssûtâ pingârtíkugko tauva angutitut ássersũme erĸartorneĸartutordluínaĸ iliúsautit. tamána inûnerme pingârnerpâtut issigineĸarĸajaĸaoĸ. sûtdlũnît pigdliutiginerat ingminut akilersínáusaoĸ. — Matîuse 6:33.
sumingme upalungaersauteĸásavit? ĸanga Israelíkutut iliorĸajaĸait? táukua timip pînik atortorigsârutinik norĸailugsínarsimáput, nukitik Gûtip soĸutigissainut Gûtimigdlo patdlorfigingningnermut atornagit. ilungersordlutik igdlunik akimarpalugtunik ĸissungnik îgalingnik pigssarsiniardlutik sulissarput. kisiáne pruvfîtip Haggajip táuko ássersũpai angúmut ’aningaussarsiaminik aningaussivingmut putunikumut pôrsissumut’. (Haggai 1:4-6) erĸarsautigeriaruk ĸanoĸ pakatsinartigísagaluarnera pâsilerdlugo sulerulungníkut aningaussarsiatit tamaisa katagsimavdlugit aningaussivik putusimangmat. ãma uvdlumíkut timip pîsigut pigigsârutit taima tigssujatigalutigdlo ĸajangnartigaut.
taimáitumik kajumigsârivugut Gûtip neriorssûtainik misigssuinigssamut ãmalo tatigivdluínarnigssânut. bîbilimik ilíniarĸigsârnerit ilitsersûtainigdlo maleruainerit átatĩnarugko pivdluarĸússutit angnerssait, ilángutdlugo pivdluarĸússut nuname pâratîsiussume nâgssáungitsumik inûneĸ, angusínauvatit! pigssarsiaĸ taimáitoĸ sujunigssamut torĸigsisimanartumut Gûtip oĸautsimigut neriorssûtigissânut mássákut upalungaersainerme pineĸarsínauvoĸ. — Evfisumiut 3:20, 21. (wD 1/10 84)
[Qupp. 5-mi assiliartaq]
inûnine tamât Jehova ilumôrtumik kivfartûterêramiuk, Jehovap neriorssûtai pivdlugit Josua oĸarsínauvoĸ: „ilãnik oĸautsimik atautsimigdlũnît atúngitsoĸángilaĸ“