torkigsisimanek sume naninekarsínauva?
INÛSUGTUT mardluk nuánîtdliorsimáput, isumatsangârsimavdlutik — sulivfigssaĸarnatigdlo. atuagagssiaĸ Time nâpertordlugo „suvdlulik suvdlulingmut motôrip erĸarfianut aulajangersimavât, ilaussut inãnut pútúsimavdlugo igalâtdlo angmarne ánorâminiminernik uvsigsarsimavdlugit“. avãngunartumik naggámik agdlagaĸarsimáput: „sulivfigssarsisínáungíkáine inûneĸ sũsava?“
agdlautigissat taima ítut takutípât uvdlumíkut inuit artugkerneĸarsimassutut misigisimatiginersut. ardlâtigut tamavta aningaussat nalêrúkiartornerssuinit, sulivfigssaerúnernit akilerârutitdlo ĸagfariartuínarnerinit naláuneĸarpugut. tamána píssutigalugo ilaĸutarît iláine nuliaussoĸ, ilâtigutdlo agdlât mêrĸat, sulissariaĸartarput. inuit iláinut nerissaĸarnerme, sulíngivfeĸardlune angalassarnerme ineĸarnermutdlo aningaussartûtinik avdlánguerujugssuarneĸ pissariaĸavigtarpoĸ. aningaussat aningauserivingmîtitat agdlât torĸigsisimássutigísavdlugit píssutigssaĸangârneĸ ajornarsivoĸ, píssutigalugo aningaussat nalêrúkiartornerisa nalikitdlisingmatigik. bîbilime sujuligtût „uvdlugssane kingugdlerne ajornartunik nagdliútoĸásangmat“ ilumut uvdlumíkut erĸũpoĸ. — 2 Timûtiuse 3:1-5.
ãmátaoĸ pigigsârtut aningaussat nalêrúkiartorneránit táussumalo kingunerissainit, nãmagtusârinermit, naláuneĸarput. (sarĸúmersitat 6:6) aningaussat nalêrúkiartorneránut ingmingnut igdlersorniardlutik inuit ilait iluanârniardlutik aningaussanik, igdlunik nunautitalingnik, nunat avdlamiut aningaussáinik sagfiugagssanigdlo akisûnik upalungaersimaniardlutik aningaussalîssarput. kisiánile taimailiortartut píkorigsorujugssuit agdlât tássángáinartumik pakasaissunigdlo avdlángortoĸarneragut nakutíneĸartarput. ímaĸa erĸaimavat kûltip akia uvdlualuínánguane nalêruterujugssuatdlarmat, ounce-imut (28,35 gram) 875 dollarimit 650 dollarinit mingnerussumut, kingornagutdlo 300 dollarit atâtdlugit. aningaussalîssartut ernumaĸissut aningaussalĩssutimik nákutigivdluarnigssãnut píngitsailineĸarsimáputdlusôĸ. tamána pivdlugo bîbilime akugdlîssup oĸausîne 5:11-ime agdlagsimassup erĸaisípâtigut: „pisôrssuardle peĸangârnerata sinerĸussaríngilâ [sinigsínaujungnaersítarpâ].“
„aniguivfigssaĸ naluvât“
ilevĸâtdlarĸigsut uivernerssuarmit tamatumánga aniguisísínauvãtigut? ĸanoĸ taima isumaĸatigĩngitsigalutik taimailiorsínáusápat? ássersûtigisigik nunat sanilerît Tuluit-nunât Frankrigilo. táukua tamarmik ingmíkut aningaussaĸarniarníkut sujúnersuissumik sujúnersûtait maligsimavait. taimáikaluardle nunat táukua aningaussaĸarniarnerme politíkê ássigĩngeĸaut. Tuluit-nunâta aningaussat nalêrúkiartornerat nâlagkersuinerme aningaussartûtit ikililernerisigut ãmalo aningaussautit ĸutsigsunik erniagssaĸartitaunerisigut akueralugit akiorniarsarâ. Frankrigile „nâlagauvfiup aningaussautainik angmainermigut“ sulivfigssanigdlo amerdlanerussunik pilersitsiniardlune aningaussarpagssuit atornerisigut aningaussat nalêrúkiartornerat angnerulersísínauvâ. ássigĩngíssut tamána pivdlugo atuagagssiaĸ Time ima agdlagpoĸ: „isumaliutit mardluk táuko ássigĩngínerusínáungitdlat, inuitdlo ĸavsêrpagssuit isumât maligdlugo iluagtitsisínaunigssât ássigîngnerunerisigut pisínaunane.“
bîbilime erĸorĸigsârtumik sujuligtûteĸarpoĸ imatut píssuseĸarnigssamik: „nunamilo inuiaĸatigît ĸugsalavdlutigdlo ernumangãsáput [aniguivfigssaĸ naluvât, NW].“ (Lúkarse 21:25) silarssuarme aningaussatigut ajornartorsiornermut silarssuarme sujuligtaussut agdlât ĸanoĸ iliúsavdlutik nalungmássuk, tauva inuit nalingínait sôrdlo uvanga ivdlitdlo aniguinigssamut ĸanoĸ periarfigssaĸartigaugut? inoĸarnerdlune ilitsersuisínaussumik tatigisínaussavtínik? sujunigssamik torĸigsisimassumik ĸulákêrisitsissumik upalungaersautausínaussumik peĸarnerdlune?