bîbilip ássersûtinik okausertai takordlôrnarsisitsissut
OK’AUSEK’ÁNGITSÛGUVTA inûneĸ ĸanoĸ ítũsagaluarnersoĸ takordlôrumináipoĸ. oĸautsivtigut pâsíssutigssîgínartángilagut, ãmale inuit avdlat alapernailersísínauvavut, ĸĩmagsartardlugit erĸarsautersortilertardlugitdlo takordlûilersitdlugitdlo. oĸautsit oĸalugtuarissaunerup ingerdlarnga avdlángortísimavât.
bîbile „oĸausiuvoĸ“ katitigaĸ oĸalugtuarissaunerme súniuteĸarnerpausimassoĸ. sôĸ taima súniuteĸarsimatigâ? sujugdlerpâmik Gûtip aĸauseringmagit agdlataussut, ãmale ũmássusilingmik erĸarsautigssîngmat Gûtimit pissumik. tamatumalo angnertûmik píssutigâ ássersûtinik oĸausertaĸarnerata takordlôrnarsisitsingârnera.
’ássigâ orpik’
ássersûtinik oĸaloriauseĸ ajornángínerpâĸ tássauvoĸ ássersũssineĸ imalũnît nalerĸiússineĸ. nauk ilíniartitseriauseĸ tamána pissariúngíkaluardlune súnîvdluarsínauvoĸ. ãmátaoĸ uvdluínarne oĸalugkângavta ássersûtit atortorujugssûvavut. oĸarângavta angut „ugsigtut nukigtutigaoĸ“ imalũnît „siutitûtut uterîtsigaoĸ“ ássersûsiortarpugut. oĸautsit „sôrdlo“, „-tut“ imalũnît „ássigalugo“ atordlugit mardluk ássigĩngingâraluardlutik malungnartumigdle píssuseĸatigîgsut, ímaĸa pigínaunermíkut imalũnît uterĩssutsimíkut, ingmingnut nalerĸiútarpavut.
sôrdlo bîbilip oĸautigigâ Gûtip inatsisainik nuánarissaĸartoĸ orpigtut ítoĸ. ĸanoĸ ilivdlune? „Taassuma assigaa orpik kuunnguup killingani ikkunneqarsimasoq; taanna inerititaqarfissamigut inerititaqartarpoq toqujuitsunillu pilutaqardluni. Qanoq iliornermini tamani iluatsitsisaraaq.“ (Tussiaat 1:3) âp, angut orpigdlo mardlũput ássigĩngitsut. kisiáne naggoríssutsip orpíkut, kûp ímarigsup sinâne naujartortúkut, takuneĸarsínaussup tugsiausiortoĸ erĸarsartilersimavâ ĸanoĸ angut anersãkut perĸigdlunilo inũmarigtigísagaluartoĸ ’Jehovap inatsisainik nuánarissaĸarune’. — Tussiaat 1:2.
’nunap tarajue’
metafor nalerĸiússinerínaunane ersserĸingnerussumik ássersûsiorneruvoĸ. metafor atordlugo oĸalungnerme ássigĩngitsut mardluk ássigĩssutât ãmátaoĸ únersũssutigineĸartarpoĸ. nalerĸiússiníkut oĸautsit „sôrdlo“, „-tut“ ãmalo „ássigalugo“ atorneĸartarput; kisiánile metafor atordlugo oĸalungnerme, oĸartarput ardlãnut ássersũneĸartoĸ tássaussoĸ táuna.
Jesusip ajoĸersugkane oĸalugfigigamigit ássersûsiortauseĸ metafor atorpâ, oĸarame: „nunap tarajorâse.“ (Matîuse 5:13) sôruname ajoĸersugai tarajũngitdlat. kisiáne taratsut akûtigssáuput aserutsailiuissut, ajoĸersugkatdlo inuit amerdlasût inûjuáinássutigissagssãnik tusardliússaĸarput. Jesusip oĸarnera: „nunap tarajorâse“ (metafor atordlugo), kimigtuneroĸaoĸ imatut oĸarsimagaluarpat: „taratsutut ípuse“ (nalerĸiússineĸ).
bîbilime metafor atordlugo ássersûsiarpagssuaĸarpoĸ. âjuko Jesusip ĸarnanit pissut: „uvanga isertarfiuvunga“; „silarssûp ĸaumassorâse. . . . ĸaumassorse ĸaumale.“ — Juánase 10:7-9, 11; Matîuse 5:14-16.
„nutsavsile ilãnigdlũnît“
ássersûsioriartauseĸ avdla ĸavdlunâtut hyperbel-imik taineĸartarpoĸ. táuna tássauvoĸ ingassáussivdlune ássersûsiorneĸ, taimáitumigdlo erssarigsumik malungniútarpoĸ. anânaĸ mêrĸaminut oĸarângame: „ti tûsinteriardlunga oĸautigerêrpara!“ ássersûsioriartaut hyperbel atortarpâ, tássa ingassagtajârdlune ássersûsiorpoĸ.
Jesusip taimatut ingassáussineĸ atorpâ pâsineĸarnerusínaujumavdlune, oĸarame: „suvdlutit ĸatángúpit íssiutâ issiginiarpiuk, páukarut issingnĩtoĸ maluginago?“ (Matîuse 7:3) táuna atuáinardlugo uisorerĸajâlernángila? isumaĸángilatit Jesusip oĸausia táuna — tássa perĸussinera nangmineĸ kúkunerpagssuaĸardluta avdlat kúkuniminínguinik agssuarissásángíkivut — ássersûsiaussoĸ píssauneĸangârtoĸ? ássersûsiâ kimigtôĸ avdla tássa farisîarit pivdlugit oĸausia: „ípernat kinerissaravsigik ĸatigagtûtdlo îssardlugit.“ — Matîuse 23:24.
ãmátaoĸ erĸarsautigeriaruk Jesusip oĸausia puiunaitsoĸ pâsisitsissoĸ Jehovap kivfartortiminik igdlersuiumârneranik: „nutsavsile ilãnigdlũnît támartoĸásángilaĸ.“ (Lúkarse 21:18) sôruname tássane kristumiut nujait pineĸángitdlat. taimatut ingassagtajârdlugo ássersûsiornermigut Jesusip ajoĸersugkane pâsitíniarpai tamanit ûmigssorneĸaraluardlutik sernigssorneĸarumârtut. — Lúkarse 21:17.
„toĸo nâlagauvoĸ“
ãmátaoĸ inugtut píssusilîneĸ píssusigssamisôrtúngortitsissutut atorneĸartarpoĸ. tamána atortarparput ûmássuseĸángitsut ûmássuseĸarpalugtúngordlugit oĸalûserigângavtigik. sôrdlo bîbile oĸartoĸ: „toĸo nâlagauvoĸ Âtamimit Môrsase tikitdlugo“; ’aliasungneĸ anersâminerdlo ĸimãsáput’; „ilisimássut tordlulavoĸ igdlut akornáne“. (Rûmamiut 5:14; Isaia 35:10; ússatit 1:20) sôruname toĸo nâlagausínáungilaĸ, aliasungneĸ anersâminerdlo ĸimâsínáungitdlat ãmalo ilisimássut tordlulasínaunane. kisiáne bîbilip taimatut ilivdlugit erĸartoramigit ássilíssamik ûmássusilingmik ĸalipaivordlusôĸ takordlôruminartumik erĸaimajuminartumigdlo.
ássersûtit pâsinerdlutat
ássersûtit tamáko bîbilime erĸarsautigineĸartut ûmássuseĸarpalutsilertangârmatigik sôrdlule tássa ĸúpernerinit pigsĩnáusassut. kisiáne ãma ajornakusoĸuteĸarsínauvoĸ. agdlagsimavfît ilãne ássersûtit atorneĸarsimanere ilisimángíkáine oĸausertai pâsinerdlungneĸarsínáuput.
Jesus ássersûsiordlune oĸalugtoĸ pâsiviuk, oĸarame: „ĸilak nunalo nungúsáput, oĸautsíkale nungúsángitdlat“? (Matîuse 24:35) amerdlasôrpagssuit tamána pâsíngilât. isumaĸarput Jesusip oĸautiginiagâ tássaussoĸ nunarssuaĸ uvdlut ardlãne nungúsassoĸ. tusarnârtuisa taimatut pâsivât?
taimáinaviángilaĸ. agdlagkanik eprîarisûnik atuartarnermíkut nalúngilât nunarssuaĸ nâgssáungitsumik atajuásassoĸ. (Tussiaat 104:5; akugdlîssup oĸausê 1:4; Isaia 45:18) pâsisimavât Jesusip ersserĸigsarniáinarâ oĸautsine ĸanoĸ aulajaitsigivdlutigdlo soraiuitsigissut. Jesusip oĸausê ĸilangmit nunamitdlo, nâgssáungitsûssunit, soraiuínerugpata, âp, tauva aulajáiput! ĸilak nunarssuardlo pêrutísagaluarpatalũnît — pêrútugssáungitdlatdle — Jesusip oĸausê atajuásáput. ingassagtajârinerit torragdlatat! — Matîuse 5:18 takujuk.
oĸautsine ukunane ássersûsiortoĸarsimangmátaoĸ pâsiviuk: „igdlersuissuvdle anersâp ivdlernartup, atâtap ativkut autdlartitagssâta, táussuma tamanik ajoĸersúsavâse, erĸaisíkumârpâsilo ilivsínut oĸauserissavnik tamanik“? (Juánase 14:26) ĸavsît imatut pâsissarpât anersâĸ ivdlernartoĸ inûssoĸ kináussusilik. nauk agdlât nukingnut avdlanutdlo kináussuseĸángitsunut ilángutdlugo taineĸakulagaluaĸissoĸ. (Matîuse 3:11; Evfisumiut 5:18; apustilit suliait 6:3, 5; 13:52; 2 Korintumiut 6:4-8) inugtut píssusilîvdlune ássersûsiornerme taissartagarput matumane ersserĸivigsumik Jesusip atorpâ.
âp, bîbilip ássersûsiornere ajoĸersuinerme kajumigsârinermilo sákũput nukigtût. Gûtip oĸausê ûmássuseĸalersípait. ãma maligagssiuissûvdluarput kinguneĸardluartumik ajoĸersuinermut. (wD 1/9 84)