nâlagauvfingmik okalũssíssutigingningnermit nutârsiagssat

makititaunigssamik neriungnek

makititaunigssamik neriungneĸ bîbilime ’ajoĸersûtit autdlarĸautaisa’ ilagât, inugdlo toĸup kigdlinganĩnerane anersãkut nakússagtítarpâ. (Eprîarit 6:1, 2; Juánase 5:28, 29) Jehovap neriũmik tamatumínga tunisimavâtigut. japanimiuarĸap atuartup neriût tamána pisimavâ avdlatdlo taimatut neriûteĸalersísimavdlugit.

atuartoĸ táuna oĸalũssissartumit pulaorneĸarĸârame, atuagkanik atuagagssianigdlo bîbilimut túngassunik piumasimángíkaluarpoĸ atuarneĸ soĸutigíngínamiuk. kisiáne Jehovap nalunaiaissuisa rigssaliánut (tássa: atautsimĩtarfiánut) ĸaerĸussausimavoĸ tikitdluarĸuneĸardluarsimavdlunilo. tusagkane nuánarivdluarpai, kingornagutdlo atuaĸatime ilait pingasut ilaserai, taimailiorputdlo. nukagpiarĸat táuko sisamat „nâlángitsutut“ ilíniartitsissumingnit issigineĸarput.

atuagkamik (kalâtdlisũngortitáungitsumik) „ĸanoĸ ilivdlutit inûsungnerit ajúngitsumik ingerdlásínaugit“-mik atuarĸigsârtarnermíkut nâlángitsutut píssuserisimassât avdlángorpoĸ. tamána ilíniartitsissuata malugâ, táunalo soĸutigingnilerpoĸ bîbilimigdlo atuaĸataussalerdlune. nukagpiarĸat „nâlángitsut“ táukua sujuligtaussuat sángîtsûvoĸ 15-inigdlo ukioĸardlune toĸuvdlune. Jehovap nalunaiaissuisa kristumiûssut atautsimĩtarnerinut ilaussarsimanera sivikitsuínaugaluartoĸ, taimáitoĸ ugperneĸ angingârtoĸ pisimavâ. toĸunigsse sujorĸutitsiardlugo agdlagkamigut makititaunigssamut ugperdluarnine erssersípâ. ima agdlagkame:

„inuarĸatut agdliartornera píssutauvdlune ajoĸuteĸardlunga inûnera ukiut 15-it ĸângiungmata nãsaoĸ. inûp inûnerata sivisússuserissartagâ atautsimut issigalugo uvanga inûnerma sivisússusianut sanigdliúkuvtigo tatdlimarterutáinarmik inûsimavunga. kisiáne ukiune 15-ine táukunane nãmagisimâringnigdluarsimavunga. pingârtumik ukiuma 16-igssãne upernãkut uvdlut ajúngitsut pivdluarnartutdlo atorsimaváka. . . . tamanit pitsaunerpâjuvoĸ ilisimavdlugo Gûteĸartoĸ sapigaĸángitsumik nápautinik tamanik ajorungnaersitsisínaussumik toĸumigdlo pêrsitsisínaussumik. nuánerpoĸ nalunago toĸugaluaráine makititausínaunermik neriûtigssaĸartoĸ.“

angutip inûsugtup táussuma agdlagsimavfik „ĸilagssanik nutânik nunagssamigdlo nutâmik iluarssuseĸarfigssanik“ neriûteĸalersitsissoĸ agsut nuánârutigisimavâ. (2 Pîtruse 3:13) ilángutdlugulo agdlagpoĸ: „pivfigssaĸ sivikitsoĸ sinigkatdlásaunga. Gûtip piumassarigpago pâratîsime nâperĸigkumârpugut. . . . uvanga pivdlunga ĸiásángilase. sinĩnásaunga. ernĩnardlo iterĸigkumârpunga. nâlagauvfingme ukiunik 1000-inik sivisússusilingme ĸinerniarisinga. utarĸiniarsinga. ernĩnaĸ tákúkumârpunga.“

ugperdluarnermigut neriugdluarnermigutdlo angutip inûsugtup táussuma avdlat ĸĩmagsarpai. ilíniartitsissuisa ilait mardluk ikíngutaisalo ilait pingasut bîbilimik atuarĸigsârtarnertik Jehovap nalunaiaissuisalo atautsimĩtarnerinik najuissarnertik ingerdlatĩnarpait. makititaunigssamik neriungnerup angut inûsugtúnguaĸ táuna nakússagtípâ, Jehovavdlo Gûtip neriorssûtainut ugpertut tamaisa nakússagtísínauvai. (wD 1/11 84)

[Qupp. 15-mi assiliartaq]

„pivfigssaĸ sivikitsoĸ sinigkatdlásaunga. Gûtip piumassarigpago pâratîsime nâperĸigkumârpugut.“