nâlagauvfingmik okalũssíssutigingningnermit nutârsiagssat
ajokersûtit ilumôrtut bîbilimêrsut inuit inûnerinik avdlángortitsissarput
SAULUS Tarsusimêrsoĸ ugpernermigut ilungersortorujugssûvoĸ kristumiut ilumôrtut „toĸumut agdlât“ malerssoramigit. (apustilit suliait 22:4; 26:10, 11) sianiginagule taimailiorpoĸ. (1 Timûtiuse 1:13) uvdlumíkut inugpagssuit ilumôrniaraluardlutik ugperissarsiorníkutdle tagpîtdlisitaussut Saulusitut iliorput kristumiússuserdlo erĸortoĸ agssortordlugo. kisiánile, sôrdlo Saulusip sagdlusuíssut ilisarilerâ kristumiúngordlunilo, uvdlumíkut inugpagssuit erĸúngitsumik ugperissarsiorneĸ tunúpât ugperissardlo erĸortoĸ ilagsivdlugo.
□ ássersûtigalugo Ny Caledoniame tahitimiut nâggârtut ilagîgsáine palasimut ikiorteĸarpoĸ ilagît náparsimassunik il. il. isumagingningneráne ikiũtartumik nulialik. panigtik uvialo Jehovamut nalunaiaissúngormata isumákêrpait. ĸitornait nukardliussútaoĸ Jehovap nalunaiaissuisa bîbilimik ajoĸersûtigingningneránik soĸutigissaĸalermata píngitsailiniardlugit imáitumik sujúnersûteĸarfigait: „Jehovap nalunaiaissue ĸimángíkuvsigik, igdlorput ĸimagtariaĸásavarse.“ angajorĸâmik igdluat ĸimagpât.
tauva angajorĸât erĸarsautigilerpât mêráungitsut nangmingneĸ kúkussumik isumaĸarnerdlutik. atâtaĸ aulajangerpoĸ Jehovap nalunaiaissuisa ugperissait misigssorniásagine. ningâne nalunaerĸútap akúnere sisamat aperssordlugo oĸaloĸatigâ. suna kinguneralugo? ajoĸersûtit ilumôrtut bîbilimêrsut atâtaussup ilagsivai oĸardlunilo ukiune 60-ine utarĸisimavdlugit. nulialo ilagîngnut átavigissarigaluamingnut ilaussortaujumajungnaerdlutik nalunaerput, ilaĸútatik ilagalugit Jehovap nalunaiaissuisa atautsimĩnerinut najũtalerdlutik, mãnákutdlo tamarmik peĸatigîgdlutik bîbilime ajoĸersûtigineĸartut igdlut tamaisa ornigdlugit oĸalûtigissardlugit.
angut táuna manigũsimángíkaluarune bîbililo misigssorniardlugo pivfigssaiarsimángíkaluardlune, sagdlusuíssut nanisimásángíkaluarpâ. mãna ilaĸutarît tamarmik Jehova nuánârdlutik kivfartũpât.
□ misigisimassap Ny Caledoniame pisimassup avdlap ersserĸigsarpâ ajoĸersûtit ilumôrtut bîbilimêrsut inuit inûnerinik avdlángortitsissartut. ingmíkut nagguveĸatigît wallisianik taigûtigdlit katûliúput ilungersortut. Jehovap nalunaiaissue oĸaloĸatigissaríngilait. nukagpiarĸavdle oĸalũssissartut oĸaloĸatigissalerpai bîbilimitdlo ilíkagkane soĸutigilerdlugit. ĸatángutâta arnap mátútut katûliussut atuarĸigsâĸatigissarpai, uvdlutdle ilãne ĸatángutâ Jehovap nalunaiaissuilo bîbile pivdlugo oĸaloĸatigîngmata tássanĩpoĸ. suna kinguneralugo? „aperĸutit ukiorpagssuarne palasinut mátútunutdlo aperĸutigissartagkame akíssutait pivai. Gûte atausiuvdlunilo pingasûssoĸ pivdlugo ajoĸersût ukioĸ nâvdlugo misigssorĸigsârsimagaluarpât, ilíkagaile nãmaginángitdlat. mãnale, Jehovap nalunaiaissue oĸaloĸatigalugit aperĸut táuna nalunaerĸútap akúnerine mardlugsungne navsuiarneĸardluarpoĸ,“ nalunaerúme agdlagsimavoĸ. ungasíngitsúkut ilagîngnut katûgdlinut ilaussortaujumajungnaerpoĸ, ĸatángutâlo mardlûvdlutik ilaĸútatik oĸalũssivfigilerpait. anânât „Légion de Marie“-mut ilaussortaujumajungnaerdlune nalunaerpoĸ inûssaliatdlo ârnússatdlo pigissane ikuatdlagtitdlugit, oĸardlune: „ukiorparujugssuarne sagdloĸítarpavsinga!“ ĸatángutigît angut arnardlo oĸalũssissartũput kuisimassut, ilaĸútatdlo katitdlugit ĸuliussut atautsimĩnernut najũtarput. anânaĸ, ernerisa ilait pingasut panîsalo ilât atauseĸ nâlagauvfingmik oĸalũssissartũput.
nuáningãssusia takuvdlugit inuit ilumôrtut perĸusersuitsutdlo erĸúngitsumik ugperissarsiornerup târtortânut tunússissut sagdlusuíssutivdlo ĸaumassortânut Jehova Gûtip bîbilimit ĸaumatitânut sâgdlutik! ajoĸersûtit ilumôrtut bîbilimêrsut ilumut píssauneĸarput inuit inôriausiat avdlángortísínauvdlugo. — Eprîarit 4:12. (wD 1/12 84)