Immikkoortoq 12-mut aallarniut
Jiisusip inuit qilaap kunngeqarfia pillugu ilinniartippai. Aamma Guutip aqqata illernarsisinneqarnissaa, kunngeqarfiata tikiunnissaa piumasaatalu nunami eqquunnissaa pillugit qinusarnissaannik ilinniartippai. Angajoqqaajuguit meeqqannut nassuiaruk qinnutip tamatuma uagutsinnut qanoq isumaqartiginera. Jiisusi Saatanimit misilinneqaraluarluni Jehovamut aalajaattuaannarsimavoq. Jiisusip apustilini toqqarpai, taakkulu siulliullutik Guutip kunngeqarfianiittussanngorput. Jiisusip guutisiornermik ilumoortumik aallussilluarnera maluginiaruk. Inuit ikiorusukkamigit napparsimasut ajorunnaarsittarpai, kaattut nerisillugit allaallu toqusimasut uummarteqqillugit. Tupinnartuliarpassuisa takutippaat Guutip kunngeqarfia qanoq inunnut sunniuteqarumaarnersoq.