Immikkoortoq 8-mut aallarniut

Jehovap Saalumuut pilluaqquaa ilisimas­susermik annertuumik tunillugu guutisiorfilior­nissaanillu immikkut suliassillugu. Saalumuulli Jehova ungasil­liartulerpaa. Angajoq­qaajuguit meeqqannut nassuiaruk guutipilus­siortut qanoq ilillutik Saalumuut Jehovamit tunussitinneraat. Kunngeqarfik marlunngorluni avissaar­tinneqarpoq. Kunngillu ajortut inuiaat tunussisun­ngortippaat guutipilus­siortun­ngortil­lugillu. Piffissap tamatuma ingerlanerani pruffiitit Jehovamut aalajaatsorpassuit malersugaal­lutillu toqutaapput. Dronningip Jeezabeelip kunngeqarfimmi avannarlermi tunussineq ajornerulersippaa. Israalip oqaluttuarisaanerani piffissaq tamanna alianar­torujussuuvoq. Taamaak­kaluartorli Israalikkunni suli Jehovamut aalajaatsunik kiffartor­torpassuaqarpoq, taakkua ilagaat kunngi Josafatsi pruffiitilu Elia.