Jehovamut guutisiorfik

Saalumuut Israalimi kunngin­ngoreermat Jehovap aperaa: ‘Sumik tunissavakkit?’ Saalumuup akivaa: ‘Inuusut­tuinnaavunga ilisimasaqarpiar­nangalu. Taamaattumik innuttatit paarilluar­niassagakkit kissaatigaara ilisimas­susermik tunissagimma.’ Jehovap oqarfigaa: ‘Ilisimas­susermik piumagavit nunarsuarmi ilisimasaqar­nerpaan­ngortis­savakkit. Aammali pisoorsuan­ngortis­savakkit. Naalakkummalu sivisoorsuarmik inuussaatit.’

Taava Saalumuup guutisiorfik sanallugu aallartippaa. Kuultit, sølvit, qisuit ujaqqallu pitsaanerpaat atorpai. Angutit arnallu pikkorissut tuusintilip­passuit guutisiorfilioqataapput. Ukiut arfineq-marluk qaangiummata guutisiorfik naammassivoq Jehovamullu tunniun­neqarnissaanut piareerluni. Pilliiveqarpoq tassanilu uumasunik pilliutis­saqarluni. Saalumuut pilliiviup saavani seeqqummerpoq imalu qinulluni: ‘Jehova, guutisiorfik una ilinnut mikival­laarpoq, illillu kusanar­nerusumik tunineqar­tariaqaraluarputit. Qinnuigaakkilli guutisiornerput akuereq­qullugu qinnutigullu tusaaqqullugit.’ Jehovap guutisiorfik Saalumuullu qinnutaa qanoq isumaqarfigai? Saalumuut qinoreersimatsiartoq inneq qilammiit pilliutinik pilliivim­miittunik ikuallatsitsivoq. Taamaasilluni Jehovap takutippaa guutisiorfik akueralugu. Israalikkut tamanna takugamikku nuannaaqaat.

Saalumuup ilisimasaqarnini Israalimi sumi tamani allaallu nunani ungasissuni ilisimaneqaatigaa. Inuit ajornar­torsioraangamik Saalumuumut ikiortis­sarsiortarput. Allaat Saabap dronningiata apeqqutinik akiuminaatsunik apersoriartorpaa. Saalumuup akissutai tusaramigit oqarfigaa: ‘Illit pillutit oqaaserineqartut upperisiman­ngikkaluarpakka, maannali paasilerpara tusakkanniit ilisimasaqar­nerusutit. Guutivit Jehovap pilluaq­qusimavaatit.’ Israalikkut pilluarlutik inuupput. Pissutsilli allanngorumaarput.