Diaavulup Jiisusi misilikkaa

Jiisusi imermut morsutsitaareerluni anersaamit illernartumit siulersorneqarluni inoqajuitsumukarpoq. Ullullu 40-t nerinnginnami perliliivippoq. Taava Diaavulup Jiisusi misilinniarlugu ornippaa oqarluni: ‘Ilumut Guutip ernerippatit ujaqqat uku nerisassanngoqqukkit.’ Jiisusilli Allakkat Illernartut issuarlugit ima akivaa: ‘Allassimavoq inuup nerisassat kisiisa inuussutissarinngikkai Jehovalli oqaasii tamaasa tusarnaartariaqarai.’

Taava Diaavulup allatut Jiisusi misileqqippaa: ‘Ilumut Guutip ernerippatit guutisiorfiup portunersaaninngaanniit pissigit. Allassimavormi Guutip inngilit aallartikkumaarai annaakkiartorlutit.’ Jiisusilli Allakkat Illernartut issuaqqillugit ima akivaa: ‘Allassimavoq Jehova Guuti misilinneqassanngitsoq.’

Taava Saatanip nunarsuarmi naalagaaffiit tamaasa alutornassusiilu takutippai oqarluni: ‘Ataasiarlutit guutisiorfigigumma taakku tamaasa ilinnut tunniutissavakka.’ Jiisusilli akivaa: ‘Peerit, Saatani! Allassimavormi Jehova kisiat guutisiorfigissagit.’

Taava Diaavulup qimappaa, inngilillu aggerput nerisassaanik tunillugu. Taamanimiilli Jiisusip Guutip kunngeqarfia pillugu nutaarsiassat nuannersut oqaluussissutigilerpai, tamannami pillugu nunarsuarmut aallartitaagami. Inuit Jiisusip ilinniartitsissutai nuannaraat sumunnaraluaraangallu malittarlugu.