ГРУЗИЯ
Күйеуім тоқтай алмай оқыды!
Марина Копалиани
ТУҒАН ЖЫЛЫ: 1957
ШОМЫЛДЫРУ РӘСІМІНЕН ӨТКЕН ЖЫЛЫ: 1990
ҚЫСҚАША МӘЛІМЕТ: Марина мен күйеуі Бадри екі баласын өсіре жүріп, талмай уағыздады. Кейінірек Бадри жергілікті комитет мүшесі болды. 2010 жылы өмірден өткенге дейін ол адал қызмет етті.
КҮЙЕУІМ екеуміз шындықты көршіміздің үйінде отырғанда, 1989 жылы естідік. Көршімізбен Киелі кітапты зерттеп жүрген Гиви Барнадзе бауырластың Киелі кітабы жоқ еді. Өйткені ол заманда грузин тілінде Киелі кітап табу оңай болмайтын.
Естігеніміз қатты ұнап, біз жеке Киелі кітабымыз болғанын қаладық. Сөйтіп, күйеуім ағасына Киелі кітап іздеп жүргенін айтты. Бір қызығы — ол жақында ғана грузин тіліндегі Киелі кітаптың соңғы аудармасын сатып алғанын, әрі оны Бадриге сыйлағысы келетінін айтты.
Содан Бадри үйге келді де, үстелдің басына отырып алып, қас қарайғанша Киелі кітап оқыды. Ертеңіне ұйқыдан тұрған соң, тағы да оқи бастады. Мен жұмыстан келсем, ол отырған жерінде әлі отыр екен. Күйеуім тоқтай алмай оқыды! Сондықтан мен оған бірнеше күн демалыс алып, Киелі кітапты аяғына дейін оқып шығуды ұсындым. Көп ұзамай ол оны түгел оқып бітірді.
Кейінірек Барнадзе бауырлас бізбен “Мәңгілік өмірге алып баратын шындық” кітабын зерттей бастағанда, өзіміздің Киелі кітабымыз болғанына күйеуім екеуміз қатты қуандық. Бұл өте жақсы болды, өйткені бізде “Шындық” кітабы, ал оқытушымызда Киелі кітап жоқ еді! Шамамен бір жылдан кейін Бадри екеуміз шомылдыру рәсімінен өттік.