Жастар, “игі істерге ынталы” болыңдар

Елші Пауыл рухтың жетелеуімен жазған хатында жас жігіттерге, оның ішінде Тит те бар, “барлық жағынан игі істермен үлгі көрсету” керектігін айтқан (Тт 2:6, 7). Артынан осы тарауда ол Ехобаның халқы “игі істерге ынталы” болу үшін тазартылғанын айтты (Тт 2:14). Сол игі істердің бірі — Құдай Патшалығы жайлы уағыздау мен тәлім беру. Егер де сен жас болсаң, жастық күш-қайратыңды қосалқы не тұрақты ізашар болып қызмет етуге жұмсай аласың ба? (Н.с 20:29).

Ізашар болып қызмет еткің келсе, алдымен осы мақсатқа жететіндей жоспар құр (Лқ 14:28—30). Мысалы, толық уақытты қызмет кезінде өзіңді қалай қаржылай қамтамасыз етесің? Сағат нормасын қалай орындайсың? Мән-жайдың бәрін Ехобаға айтып, көмек сұра (Зб 37:5). Құрған жоспарыңа қатысты ата-анаңмен және жетістіктерге жеткен ізашарлармен кеңес. Сосын мақсатыңа жету үшін әрекет жаса. Ехоба сенің зор талпынысыңды міндетті түрде жарылқайды!

“ЖАСТАР ЕХОБАНЫ ДАҢҚТАУДА” ДЕГЕН БЕЙНЕРОЛИКТІ КӨРГЕН СОҢ, ТӨМЕНДЕГІ СҰРАҚТАРҒА ЖАУАП БЕРІҢДЕР:

• Кейбір жастарға ізашар болуға не кедергі еткен және олар мұны қалай жеңді?

• Ата-аналар балаларына тұрақты ізашар болуға қалай көмектессе болады?

• Неліктен уағызға арналған кесте құрудың маңызы зор?

• Қауымдағы бауырластар қалай ізашардың жігерін қайрап, қол ұшын бере алады?

• Ізашарлар қандай баталарға кенеледі?