Ізашар болу арқылы Ехобаны мадақтаңыз

Исраилдіктердің Ехобаны мадақтауға келелі себептері болды. Ол халқын Мысырдан алып шығып, перғауын әскерінен құтқарып қалған еді (М2ж 15:1, 2). Ехоба әлі де өз халқына аямай жақсылық жасап келеді. Осы үшін оған алғысымызды қалай білдіре аламыз? (Зб 116:12).

Мұның бір жолы — қосалқы я тұрақты ізашар болып қызмет ету. Осы қызметті атқару үшін Ехобаға дұға етіп, ықылас пен күш-қуат сұрасаңыз болады (Фп 2:13). Көбісі қосалқы ізашарлықтан бастайды. Наурыз бен сәуір айларында, я болмаса қауымыңызға аудандық бақылаушы келетін айда 30 не 50 сағат қызмет етуді шеше аласыз. Қосалқы ізашарлық қызметтің дәмін татқан соң, мүмкін, тұрақты ізашар болуға ұмтыларсыз. Тіпті толық уақыт жұмыс істейтін яки денсаулығы нашар бауырластардың өздері тұрақты ізашар болып қызмет етіп жүр (mwb16.07 8-б.). Ехобаны мадақтауға қанша күш салсақ та, ол соған әбден лайық! (Ш1ж 16:25).

“МОҢҒОЛИЯДАҒЫ ҮШ АПАЛЫ-СІҢЛІ” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• 

  Ізашар боп қызмет ету үшін олар қандай қиындықтарды еңсерді?

• 

  Олар қандай баталарға кенелді?

• 

  Тұрақты ізашар болғандары оларға қызметтің қандай түрлеріне жол ашты?

• 

  Олардың өнегесі өзгелерге қалай әсер етті?