Шұғыл әрекет ет

Біздің жаңартылған веб-сайтымыз шыққалы бері Киелі кітап зерттеу сабағын өткісі келетіндер толтырған өтініш саны айтарлықтай артты. Бұған қоса, көпшілік орындарында уағыздаудың жаңа түрінің арқасында мұндай өтініштер көптеп түсуде. Филиал оларға мүмкіндігінше тез жауап беруге қам жасайды. Мысалы, өтініш jw.org сайтынан келіп түссе, филиал қызығушылық білдірген адам тұратын аумақтың ақсақалдарына екі-ақ күннің ішінде бұл жайлы хабар жеткізеді. Алайда танаптан келген хабарламаға сай, кейбір жариялаушылар Киелі кітап зерттеу сабағын өтуге өтініш толтырған адамдармен бірнеше апта өткеннен кейін ғана хабарласып жатады екен. Зерттеу өтуге ықылас білдірген адамның қызығушылығы суымай тұрып оған көмек көрсетілгенін біз қалай біле аламыз? (Мар. 4:14, 15).

Егер қызығушылық білдірген адам сенің уағыздайтын аумағыңда тұрмаса, онда шұғыл түрде “Мына кісіге баруды өтінеміз” (S-43) деген бланкті толтырып, келесі қауым кездесуінен қалдырмай қауым хатшысына бер. Хатшы бір не екі күн ішінде оны басқа қауымға не jw.org сайтындағы қауым деген бөлім арқылы филиалға жібереді. Ақсақалдар веб-сайтты жүйелі түрде тексеріп отырулары қажет. Егер олар қызығушылық білдірген бір адамға бару жайлы хабар алса, бірден әрекет етулері керек. Өтініш толтырған адаммен байланысу тапсырылған жариялаушы бірінші кезекте осы тапсырманы орындауға тырысу керек. Ал қызығушылық білдірген адам үйінде болмай қалған жағдайда, жариялаушы өзінің телефон нөмірін қалдырып кетсе болады.