Кешірімді болайық

1. Күнә мен өлімді

Мәңгіге жою үшін,

Жіберді бізге Ехоба

Өз Ұлын, сүйіктісін.

Өкініп, опық жегендер

Өтінсе шын кешірім,

Төлем арқылы Ехоба

Танытады мейірім.

2. Өзгені кешірсек

Өкпе-наз еш сақтамай,

Өзара болсақ төзімді,

Рақымын төгер Құдай.

Асық боп құрмет етуге,

Қашық боп ренжітуден

Сүюдің ұстансақ жолын,

Мейірім түсер көктен.

3. Сарқылмас мейірім

Жүректі тұрса керіп,

Ашу мен ыза жоламас,

Іштегі мұз да еріп.

Риясыз шын сүйе білсек,

Еліктеп Ехобаға,

Кешіру қиын болмайды,

Кешіріп ол тұрғанда.