2013 жылдық мәтін

Исраилдіктер б. з. б. 1473 жылы Уәде етілген жерге кіруге дайын еді. Алайда олардың жаулары күшті болатын. Ехоба Ешуаға: “Қайратты да батыл бол!”— деп бұйырды. Егер адалдығын сақтаса, Ешуа жетістікке жетпек еді. Ехоба оған: “Еш нәрседен абыржып, қорқушы болма! Қайда барсаң да, Құдайың Жаратқан Ие сенімен бірге жүріп жар болады”,— деді. Исраилдіктер алты жыл ішінде жауларын жеңіп шыққанда, Ехоба Ешуамен бірге екенін дәлелдеді (Ешуа 1:7—9).

Шынайы мәсіхшілер уәде етілген жаңа дүниенің табалдырығынан аттағалы тұр. Сондықтан оларға да батыл және қайратты болу қажет. Ешуа сияқты, біз де мінсіздігімізден айырғысы келетін күшті жаулармен күресудеміз. Біз олармен найза және семсермен емес, рухани қару-жарақпен шайқасамыз және Ехоба бізге осы қару-жарақты шеберлікпен қолдануды үйретуде. Қандай жағдайға кезіксең де, қайратты да батыл және адал болсаң, Ехоба жеңіске жетуің үшін сенімен бірге болатынына еш күмәнданба.