Жігер беретін түсініктеме дайындаңыз

Қауым кездесуінде түсініктеме беру — үлкен мәртебе! Айтқан бір ауыз сөзіміз қаншама бауырластың рухын көтеріп, жігер бере алады (Евр. 10:24, 25). Олай болса, түсініктемеміз өзгелерге жігер беретіндей болу үшін не істеуіміз керек?

• Дұға етіңіз. Ехобадан оны мадақтайтын және өзгелерге жігер беретін түсініктеме дайындауға көмектесуін сұраңыз (Зәб. 35:18).

• Әдебиеттен оқып бере салумен шектелмеңіз. Өз сөзіңізбен жауап беретін болсаңыз, бауырластар сеніміңіз бен тәжірибеңізді көріп, көп нәрсеге үйренеді.

• Түсініктемеңіз қысқа болсын. Қысқаша әрі қарапайым жауаптар әдетте көбірек жігерлендіреді. Бір адам барлық ойды айтып тастаса, өзгелерге айтатын ой да, уақыт та қалмай қалады (Нақ. с. 10:19).

• Түсініктемеңіз жағымды болсын. Түсініктемені қауымға не бауырласқа кеңес беру үшін, не кінәлап, сынап-мінеу үшін айтудан аулақ болыңыз.

Сізден сұрамаса, бауырластарды жігерлендіре алмадым деп көңіліңіз түспесін. Қауымда түсініктемелерді мұқият тыңдап, кейін бауырластарды мақтайтын болсаңыз, бұл да оларға көп жігер береді (Нақ. с. 10:21).