Тоғыспалы сілтемелердің пайдасы

“Киелі жазбалар. Жаңа дүние аудармасындағы” тоғыспалы сілтемелер Киелі кітаптың үйлесімділігін дәлелдеу үшін басқа тармақтарға сілтеп, қосымша мәлімет береді. Тоғыспалы сілтемелер майда әріптермен белгіленген. Қағаз түріндегі Киелі кітапта тоғыспалы сілтемелердің тармақтары әр беттің жиегінде не ортасында тізіліп жазылған. Ал jw.org сайтында не JW Library^® қосымшасында әріптің үстін бассаңыз болды, тоғыспалы сілтеменің тармақтары ашылады.

Тоғыспалы сілтемелер қандай тармақтарға сілтейді? Мысалы:

Ұқсас тармақтарға. Бір оқиға Киелі кітаптың тағы қай жерінде баяндалғанын көре аласыз. Самуилдің 2-жазбасы 24:1 мен Шежірелер 1-жазба 21:1-ді салыстырыңыз.

Үзінділерге. Тармақта келтірілген үзінділер Киелі кітаптың қай жерінен алынғанын көрсеңіз болады. Матай 4:4 пен Мұсаның 5-жазбасы 8:3-ті салыстырыңыз.

Орындалған пайғамбарлықтарға. Қандай да бір пайғамбарлықтың қалай орындалғанын көруге болады. Матай 21:5 пен Зәкәрия 9:9-ды салыстырыңыз.