Зерттеу әдістері

Ехоба туралы рухани асыл тастар табу

Киелі кітапты оқығанда біз неше түрлі құралдарды пайдаланып, қосымша ізденеміз. Сол кезде біз білім жинап қана қоймай, Ехоба туралы рухани асыл тасты іздеуіміз керек. Өйткені Ехобаның қасиеттерін жан-жақты ашатын осындай асыл тастар біздің оған деген сүйіспеншілігімізді арттыра түседі. Сондықтан әрқашан да өзімізге “Бұл үзіндіден Ехоба жайлы қандай ой түйсем болады?” деген сұрақты қойған жөн.

Мәселен, Ехоба қалай сүйіспеншілігін, әділдігін, даналығын я күшін көрсеткені жайлы ойлансаңыз болады. Әйткенмен Ехобаның көркем қасиеттері көп қой, неге солар жайлы да ізденбеске? Мысалы, Киелі кітапты оқып отырғанда, Ехобаның қандай да бір қасиетін байқадық делік. Енді ол жайында қайдан ізденсек болады?

“Ехоба куәгерлерінің ізденіс құралына” барып, “Ехоба Құдай” деген тақырыптағы “Ехобаның қасиеттері” деген бөлігін қараңыз. Тізімнен сіз іздеген қасиетке сай келетін тақырыпты таңдасаңыз болады. (Ал орыс тілінде “Индекс публикаций Сторожевой Башни” көрсеткіші бар. Сондағы “Иегова” деген тақырыптың ішінен “Качества по отдельности” деген бөлігін қараңыз. Тізімдегі Ехобаның 50-ге жуық қасиетінің ішінен керегін таба аласыз.)