Қызметте “Мәңгі бақи өмірдің рақатын көріңіз!” басылымын қолданыңыз

Зерттеу сабағын жүргізуге арналған жаңа кітапша мен кітаптың шыққанына өте ризамыз! Көбірек шәкірттер дайындау үшін жасап жатқан еңбегімізге Ехоба батасын берсін деп дұға етеміз (Мт 28:18—20; Қ1х 3:6—9). Ал бұл жаңа құралдарды қалай қолдану керек?

“Мәңгі бақи өмірдің рақатын көріңіз!” басылымындағы интерактивті Киелі кітап сабақтары жаңаша тәлім беру әдісімен жүргізіледі. Сабаққа дайындалу және оны өткізу барысында мына негізгі ережелерді ұстаныңызa:

• Мәліметті оқып шығып, сұрақтарды талқылаңыздар

• “Оқыңыз” делінген жазба орындарын оқып, зерттеушіге сол тармақтардың өзіне қандай қатысы бар екенін түсінуге көмектесіңіз

• Бейнероликтерді көріп, берілген сұрақтар бойынша талқылаңыздар

• Бір сабақты бір отырғанда өтіп шығуға тырысыңыз

Қызметте адамның қызығушылығын анықтау үшін алғашында кітапшаны қолданыңыз. (“Алғаш барғанда “Мәңгі бақи өмірдің рақатын көріңіз!” кітапшасын ұсынудың жолы” деген қоршауды қараңыз.) Адаммен кітапшаны зерттеп болсаңыз және оның әрі қарай да зерттеуге ықыласы болса, кітапқа көшуді ұсынып, зерттеуді 4-сабақтан жалғастырсаңыз болады. Ал егер сіз біреумен “Киелі жазбалардан не білеміз?” кітабымен я “Құдай сүйіспеншілігіне бөленіңіз” кітабымен зерттеп жүрген болсаңыз, “Мәңгі бақи өмірдің рақатын көріңіз!” кітабына көшіңіз және оны қай жерден бастап зерттейтіндеріңізді шешіңіз.

“ҚҰДАЙ СӨЗІ ТАЛҚЫЛАНАТЫН САБАҚТАРҒА ҚОШ КЕЛДІҢІЗ!” ДЕГЕН БЕЙНЕРОЛИКТІ КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Зерттеушілер жаңа кітаптан не біледі?

• Киелі кітапты зерттегісі келетіндерге неліктен осы бейнероликті көрсетуіңіз қажет?

• Зерттеу барысында зерттеушіні қандай мақсаттар қоюға және қол жеткізуге талпындырғаныңыз дұрыс? (“Әр бөлімге арналған ойбағдар мен мақсаттар” кестесін қараңыз.)