Құдай қалай айтса, Нұх дәл солай істеді

6:9, 13—16, 22

Қолында заманауи құрал-сайманы мен құрылыс жобасы болмаған Нұхтың отбасын қандай ауқымды іс күтіп тұрғанын ойлап көріңізші.

• Бұл өте үлкен кеме болу керек еді. Ұзындығы шамамен — 133 метр, ені — 22 метр, ал биіктігі — 13 метр.

• Ағашты шауып, көлемі мен пішінін келтіру үшін кесіп, көтеріп, тиісті орнына қою керек еді.

• Алып кеменің іші-сыртын қарамаймен сылау керек еді.

• Нұхтың отбасына және жануарларға бір жылға жететін азық-түлік қорын жинау керек еді.

• Бұл жобаны аяқтау үшін шамамен 40—50 жылдай уақыт кетсе керек.

Ехобаның тапсырмасын орындау қиынға соқса, осы оқиға жігерімізді қалай қамшылайды?