МӘСІХШІЛІК ӨМІРІМІЗ
Есік алдында әдептен озбайық
Мәсіхшілер “осы дүние үшін... сахналық көрініс сияқты” (Қ1х 4:9). Сондықтан үй иелері бізге терезеден қарап тұрса я есіктің артында тың тыңдап тұрса, біз еш таңғалмаймыз. Кейбір үйлерде бақылау камералары мен микрофондар орнатылғандықтан, үй иелері бізді көріп, тыңдап я даусымызды жазып алуы мүмкін. Төменде есік алдында әдептен озбауға көмектесетін кейбір кеңестер берілген (Қ2х 6:3).
ӨЗІҢІЗДІ ДҰРЫС ҰСТАҢЫЗ (Фп 1:27)
Үй иесінің жеке меншігін құрметтеп, сығалап қарамаған жөн. Есік алдында бір нәрсе ішіп-жеп, ұялы телефонмен қоңырау шалып я хабарлама жазып тұрмаңыз.
ДҰРЫС СӨЙЛЕҢІЗ (Еф 4:29)
Есік алдында үй иесі естімесе екен дейтін нәрселерді айтпаңыз. Кейбір жариялаушылар ойларын жинақтап, не айтатындарын ойластырып алу үшін есік аузында әңгімелеспеуді жөн көретін шығар.