Қонақтарды жылы қарсы алайық

23 наурызда 12 миллион не одан да көп қонақ Еске алу кешіне келеді деп күтілуде. Ехобаның сыйы — төлем құрбандығы мен оның болашақта әкелетін баталары жөнінде болатын баяндама қонақтар үшін жақсы куәлік болмақ! (Иш 11:6—9; 35:5, 6; 65:21—23; Жх 3:16). Алайда сол жиында куәлік беретін баяндамашы ғана емес. Қонақтарды жылы қарсы алу арқылы бәріміз де жақсы куәлік бере аламыз (Рм 15:7). Бұған қатысты кейбір кеңестер осында жазылған.

• Орнымызда бағдарламаның басталғанын күтіп отырғаннан гөрі, қонақтар мен қауымға келмей кеткен жариялаушыларды жылы жүзбен қарсы алғанымыз абзал.

• Өзіңіз шақырған қонаққа көңіл бөле отырып, науқан барысында шақырылған қонақтарға да мұқият болыңыз. Алғаш рет келген адамды қасыңызға отыруға шақырып, оған Киелі кітабыңыз бен ән кітабыңызды көрсетіп отырыңыз.

• Келген қонақ баяндамадан кейін сізге сұрақтарын қоя алуына жағдай жасаңыз. Егер сіздің қауымыңыз басқа қауымға орын босату керек болып, уақыт тығыз болып жатса, онымен бір-екі күннің ішінде кездесуге қам жасаңыз. Егер оның телефонын не мекенжайын білмесеңіз, “Сіздің осы жиынға қатысты ойыңызды білгім келіп еді. Сізбен қалай байланысуға болады?” деп сұрауға болады.