Уағыздауды уақыт күттірмейтін іс деп қарастыруға не көмектеседі?

Уағыздау — уақыт күттірмейтін іс. Осы дүние жойылғанда аман қалуымыз үшін бізге осындай көзқарас дамыту қажет. Бұл орайда төмендегі кеңестерге ден қойғанымыз зор көмек болмақ:

• Патшалық жайлы үнемі дұға ет (Мат. 6:10).

• Киелі кітапты күнделікті оқып, бейнелі жүрегіңді қорға (Евр. 3:12).

• Уақытты даналықпен қолдан (Ефес. 5:15, 16; Філіп. 1:10).

• “Бір нәрсеге ғана көз тік”. Осы дүниелік құмарлықтардың өзіңді адастыруына жол берме (Мат. 6:22, 25; Тім. 2-х. 4:10).

• Киелі кітап пайғамбарлықтарының орындалуын әрдайым бақылап, сергек бол (Мар. 13:35—37).

Аяқталуға шақ қалған уағыз ісінің шұғыл атқарылуы қажет екенін түсінгеніміз бізді қызметке көбірек атсалысуға талпындыратыны сөзсіз (Жох. 4:34, 35).