Сауалдар жәшігі

◼ Әйел бауырлас есік алдында Киелі кітап зерттеу сабағын өткізгенде, қасында ер бауырлас болса, орамал тарту керек пе?

Әйел бауырлас алдын ала жоспарланған, жүйелі түрде Киелі кітап зерттеу сабағын өткізгенде, қасында ер бауырлас болса, орамал тарту керек (Қор. 1-х. 11:3—10). “Күзет мұнарасының” (ор.) 2002 жылғы 15 шілдедегі санында, 27-бетте былай жазылған: “Алдын ала жоспарланған зерттеу сабағын өткізетін бауырлас жүргізуші болып табылады. Сондықтан зерттеу сабағы қауымдағы шаралардың біріне жатады. Шомылдыру рәсімінен өткен әйел бауырлас осындай зерттеу сабағын өткізгенде қасында шомылдыру рәсімінен өткен ер бауырлас болса, ол орамал тартуға тиіс”. Тіпті онымен бірге шомылдыру рәсімінен өтпеген ер бауырлас болса да, ол орамал тарту керек. Зерттеу сабағы үйде, есік алдында не басқа жағдайларда өтсе де, осылай істеу қажет.

Ал есік алдында сөйлесіп жүрген адаммен зерттеу сабағы әлі басталмаған болса, тіпті қайта барудың мақсаты зерттеу сабағының қалай өтетінін көрсету не зерттеуге арналған әдебиеттердің бірін қарастыру болса да, әйел бауырласқа қасында ер бауырлас болған жағдайда орамал тартудың қажеті жоқ. Есік алдында өткізілетін Киелі кітап зерттеу сабағы бірнеше қайта барудың арқасында басталатындықтан, жариялаушылар жағдайды ескеріп, қай кезде орамал тарту керектігіне қатысты парасаттылық танытулары керек.