Хабарландырулар

◼ Ұсынылатын әдебиеттер: Қарашаның 1—16 “Шындықты білу” трактатын таратуға қатысты арнайы науқан. Қарашаның 17—30 “Киелі кітап үйретеді”. Зерттеу сабағын бастауға ерекше күш салыңдар. Желтоқсанда “Ең ұлы адам” кітабы. Сондай-ақ “Иса деген кім?” (Т-24) және “Дүние кімнің билігінде?” (Т-22) трактаттарын ұсынуға болады. Егер үй иесі балалары бар екенін айтса, “Киелі кітап әңгімелері” басылымын ұсыныңдар. Қаңтарда “Киелі кітап үйретеді”. Егер адамда бұл кітап болса, “Құдайға ғибадат етіңдер” немесе “Ехобаға жақында” кітаптарын ұсынуға болады. Сондай-ақ “Ехоба деген кім?” (T-23) және “Ең ұлы есім” (T-72) трактаттарын беруге болады. Ақпанда қолда бар “Отбасы бақыты” не “Білім” кітаптарын ұсынамыз. Сондай-ақ “Жұмаққа алып баратын жол” және “Жаны күйзелгендерге жұбаныш” (T-20) трактаттарын береміз. Наурызда “Киелі кітап үйретеді”. Киелі кітап зерттеу сабағын бастауға барынша күш салыңдар. Сәуірде “Күзет мұнарасы”. Қызығушылық танытқандарға, сондай-ақ Еске алу кешіне келетін не басқа да теократиялық жиындарға қатысатын, бірақ қауыммен белсенді араласпайтын адамдарға қайта барғанда, “Киелі кітап үйретеді” басылымын қалдырып кетуге болады. Мақсатымыз — осы кітап арқылы зерттеу сабағын бастау.

◼ Егер әлі толтырмаған болса, жариялаушыларды “Өз еркін білдіру және сенімхат” (ЕБС) деген құжатты толтыруға шақырамыз. Бұл құжат сендердің қан құюдан бас тарту құқықтарыңды қорғайды. Қажет болса, ақсақалдар жеке көмек көрсетеді (2006 жылғы қарашадағы “Біздің патшалық қызметіміздің” қосымшасын қара).

◼ 2009 жылдың 1 қаңтарынан бастап “төрағалық етуші бақылаушы” деген атау қолданылмайтын болады. Бұл міндетті атқаратын бауырлас “ақсақалдар кеңесінің координаторы” деп аталатын болады.