Біздің мақсатымыз не?
1 Біздің зерттеу сабағын жүргізгендегі басты мақсатымыз не? Білім беру ме? Адамдардың өмірін жақсарту ма? Мүмкін, оларға болашаққа үміт бергіміз келетін шығар? Жоқ. Біздің басты мақсатымыз — Иса Мәсіхтің шәкірттерін дайындау (Мат. 28:19; Ел. іс. 14:21). Сол себептен де Киелі кітап зерттеп жүрген адамдардың қауымға қосылулары керек. Оларда Ехобаның ұйымына деген ризашылық болмаса, рухани өсе алмайды.
2 Мақсатымызға қалай қол жеткізуімізге болады? Адаммен зерттеу сабағын бастаған кезден бастап-ақ, оны қауым кездесулеріне шақыра бер (Ев. 10:24, 25). Оған кездесулер сенімін нығайтатынын, Құдайдың еркін орындауға көмектесетінін және бұл кездесулерде ол Ехобаны даңқтағысы келетін адамдармен араласа алатынын түсіндір (Заб. 26:13; 31:8; 34:18). Оған қауым мен қауым кездесулері туралы ризашылықпен айт, бұл оны Патшалық сарайына баруға талпындыру керек.
3 Қызығушылар Ехобаның ұйымы дүниежүзілік ұйым екенін түсінулері керек. Оларға “Танысыңыздар, Ехоба Куәгерлері ұйымы” деген бейнефильмді көрсетіңдер. Олардың Ехоба дүние жүзі бойынша миллиондаған адал адамдарды өз еркін іске асыру үшін қолданып отырғанын түсінулеріне көмектесіңдер. Құдай оларды да өзіне қызмет етуге шақыратынын айтыңдар (Иш. 2:2, 3).
4 Киелі кітап зерттеп жүрген адамның шынайы Мәсіхші болғаны — үлкен қуаныш. Біздің мақсатымыз да осы емес пе!? (Жох. 4:1—54)