Сауалдар жәшігі

◼ Қауымның кітап зерттеу кездесуіне келгенде, мәсіхшілер ретінде жүріс-тұрысымыз қандай болу керек?

Біз ешқашан көршілеріміздің назарынан тыс қалмаймыз, сондықтан олар кейде біздің жүріс-тұрысымызға қатысты ойларын сөздерімен не істерімен білдіріп жатады (Қорынттықтарға 1-хат 4:9-ды салыстырыңдар). Ехобаның қызметшілері ретінде біз олардың бізге жақсы қарағанын қалаймыз (Пет. 1-х. 2:12). Бұл қауымның кітап зерттеу кездесуіне келгендегі жүріс-тұрысымызға да қатысты. Осы кездесулер көбінше бауырластардың үйлерінде өтетіндіктен, жақсы мәнерімізді барлық істе көрсетуге тырысуымыз керек. Мысалы, көлік қоятын жер тар болса, кездесу өтетін үйдің көршілерінің ашуын тудырмау үшін, неге бірнеше адам келісіп, көліктерін кезектесіп мініп келмеске? Жақындарымызға деген сүйіспеншілігіміз көлігімізді олардың наразылығын тудыратындай етіп қалай болса солай қоя салмауға талпындырады.

Біз бас қосуға әрқашан қуаныштымыз, сондықтан осындай бас қосатын жерлерде дауыстарымыз жарқын-жарқын шығып жатады (Мих. 2:12). Алайда жақсы мәнерді ұмытпасақ, әрі басқаларға мұқият болсақ, тым қатты сөйлемеуге тырысамыз (Мат. 7:12; Ғал. 6:10). Мәсіхшілерге тән сүйіспеншілігіміз сыртта қараусыз жүгіріп жүрмеу үшін және басқалардың мүлкіне зақым келтірмеу үшін балаларымызға бас-көз болуға талпындырады (Нақ. с. 29:15; Қор. 1-х. 13:4, 5). Бұған кездесу өтетін үйде де лайықты жүріс-тұрысты ұстану жатады. Егер топта дұрыс емес әрекет байқалса, көршілердің наразылығын және қонақжайлылық танытып отырған үй иелеріне қиындықтар тудырмау үшін және кездесуге келген адамдардың мазасын алмау үшін ақсақалдар бірден сүйіспеншілікпен нақты кеңес берулері керек.