Киелі кітапта не делінген?

Құдай барлық дұғаға жауап бере ме?

СІЗДІҢШЕ,

КИЕЛІ КІТАПТА БЫЛАЙ ДЕЛІНГЕН:

“Ехоба... өзін шындықта шақыратындардың бәрінің жанында” (Зәбүр 145:18 сілтеме).

КИЕЛІ КІТАПТА ТАҒЫ НЕ ЖАЗЫЛҒАН?

Құдай өзіне қарсы шыққандардың дұғасын тыңдамайды (Ишая 1:15). Бірақ олар іс-әрекеттерін түзету арқылы Құдаймен араларындағы “мәселелерін ортаға салып”, шеше алады (Ишая 1:18).
Құдай бізге жауап беру үшін, дұғамызды Киелі кітапта жазылған талаптарға сай айтуымыз керек (Жоханның 1-хаты 5:14).

КЕЙБІР АДАМДАРДЫҢ ОЙЫНША, дұға еткенде тізерлеп отырып, басты төмен түсіріп, қолды бірге ұстау керек. Ал сіз не ойлайсыз?

КИЕЛІ КІТАПТА БЫЛАЙ ДЕЛІНГЕН:

Құдай отырып, тұрып, етпетінен жатып я тізерлеп тұрып сиынғандардың дұғасын тыңдаған (Шежірелер 1-жазба 17:16; Шежірелер 2-жазба 20:5, 6; Езра 10:1; Елшілердің істері 9:40). Демек, Құдай бізден дұға еткенде белгілі бір қалыпта тұруды талап етпейді.

КИЕЛІ КІТАПТА ТАҒЫ НЕ ЖАЗЫЛҒАН?

Құдай кішіпейіл адамдардың дұғасын тыңдайды (Зәбүр 138:6).
Кез келген тілде я тіпті іштей дұға етуге болады (Шежірелер 2-жазба 6:32, 33; Нехемия 2:1—6).

Көбірек мәлімет алу үшін Ехоба куәгерлері басып шығарған “Киелі кітап шын мәнінде неге үйретеді?” кітабының 17-тарауын қараңыз.

Бұл кітапты www.jw.org/kk сайтынан жүктей аласыз.