Барлық кезде шыншыл болыңыз

Досының шыншыл болғанын кім қаламайды дейсіз?! Ехоба да достарының шыншыл болғанын қалайды. Өкінішке қарай, жалғандыққа толы мына дүниеде шындықтан аттамау оңай емес. Әйтсе де барлық жағдайда шыншыл болудың пайдасы көп. Қандай?

1. Шыншыл болудың ең басты себебі қандай?

Өзгелермен шыншыл болсақ, Ехобаны жақсы көретінімізді әрі оны құрметтейтінімізді көрсетеміз. Негізінде, Ехобадан еш нәрсені жасыра алмаймыз. Оған біздің барлық ойымыз да, ісіміз де аян (Еврейлерге 4:13). Біз ақиқаттан аттамауға бекінсек, Ехоба қатты қуанады. Оның Сөзінде: “Ехоба арамза адамнан жеркенеді, шыншыл адаммен жақын дос болады”,— делінген (Нақыл сөздер 3:32).

2. Қай кездері шыншыл болуымыз керек?

Ехоба “бір-бірімізге шындықты айтқанымызды” қалайды (Зәкәрия 8:16, 17). Қай кездері? Біз үй ішіндегілермен, әріптестерімізбен, қауымдағы бауырластармен және мемлекеттік қызметкерлермен сөйлескенде өтірік айтпаймыз, шатастыратын бұрыс мәлімет те бермейміз. Шыншыл адамдар біреудің затын ұрламайды, біреуді алдап-соқпайды (Нақыл сөздер 24:28 бен Ефестіктерге 4:28 оқыңыз). Сондай-ақ олар төлеу керек салықтың бәрін төлейді (Римдіктерге 13:5—7). Иә, біз барлық жағдайда адал жүріп-тұрғымыз келеді (Еврейлерге 13:18).

3. Шыншылдықтың берер пайдасы қандай?

Шыншыл деген атымыз болса, адамдар бізге сенеді. Қауымда да бәрі үйде жүргендей сезініп, алданып қаламын деп қорықпайды. Ар-ұжданымыз да тыныш болады. Сондай-ақ турашылдығымыз “Құтқарушымыз Құдайдың ілімін көркейтіп”, адамдарды шынайы ғибадатқа тартады (Титке 2:10).

ТЕРЕҢІРЕК ҮҢІЛІҢІЗ

4. Шыншылдықты Ехобаның жаны сүйеді

Зәбүр 44:21 мен Малахи 3:16 оқып, мына сұрақтарды талқылаңыздар:

• Шындықты жасырып қала аламын деп ойлау неге дұрыс болмас еді?

• Қалай ойлайсыз, қиын болса да шындықты айтуға бекінсек, Ехоба не сезінеді?

5. Шындықты әрдайым серік етіңіз

БЕЙНЕРОЛИК: “Қуанышқа кенелтетін не? Таза ар-ұят” (2:32)

Еврейлерге 13:18 оқып, мына жағдайларда қалай шыншыл бола алатынымызды талқылаңыздар:

• отбасымызда;

• жұмыста я мектепте;

• басқа да жағдайларда.

6. Шыншылдықтың пайдасы

Біз шындықты айтамыз деп қиындыққа тап болуымыз мүмкін. Әйтсе де түбінде шындық жеңіп шығады. Зәбүр 34:12—16 оқып, мына сұрақты талқылаңыздар:

• Шыншылдық өміріңізді қалай көркейтеді?

1. А. Шыншыл күйеу мен әйел некелерін нығайтады

2. Ә. Шыншыл жұмысшы бастығының сеніміне кіреді

3. Б. Шыншыл азаматтардың мемлекеттік қызметкерлердің алдында абыройы өседі

ТҮЙІНДЕМЕ

Ехоба достарының не айтса да, не істесе де, әрдайым шыншыл болғанын қалайды.

Қайталау

• Қай кездері шыншыл болу керек?

• Шындықты жасырып қала аламыз деп ойлау неге дұрыс болмас еді?

• Неге сіз барлық уақытта шыншыл болғыңыз келеді?

ҚОСЫМША ІЗДЕНІҢІЗ

Ата-аналар балаларына шыншыл болуды қалай үйрете алады?

“Шыншыл болайық” (1:44)

Уәделерімізде тұрсақ, оның қандай пайдасын көреміз?

“Уәдеңізде тұрып, батаға кенеліңіз” (9:09)

Салықтың дұрыс пайдаланып жатпағанын білсек те, неге оны төлеуіміз керектігін біліңіз.

“Салық төлеу керек пе?” (“Күзет мұнарасы”, 1 қазан, 2011)

Алаяқ болған бір кісіге өмірін өзгертіп, шыншыл болуға не көмектесті?

“Мен Ехобаның мейірімді де рақымды екенін білдім” (“Күзет мұнарасы”, 1 мамыр, 2015)