2-САБАҚ

Ауызекі тілде сөйлеу

Қорынттықтарға 2-хат 2:17

САБАҚТЫҢ БАСТЫ ОЙЫ: Күнделікті өмірдегідей сөйлеңіз, әрі сөздеріңіз шын жүректен шықсын.

ҮЙРЕНУ ЖОЛДАРЫ:

Дұға етіп, тиянақты дайындалу. Уайымға берілмей, бар ойыңызды хабарға бұру үшін көмек сұрап дұға етіңіз. Айтқыңыз келетін басты ойларды санаңызда тиянақтап алыңыз. Сөйлемдерді сөзбе-сөз оқып немесе жатқа айтып бере салмаңыз. Ойларды өз сөзіңізбен жеткізіңіз.

Киелі кітаптан не бір басылымнан үзінді оқығыңыз келсе, жатық оқылу үшін онымен жақсылап танысып алыңыз. Ал адамдардың сөзі келтірілген болса, оны сезіммен, бірақ тым әсірелемей оқыңыз.
Шын жүректен сөйлеу. Айтқалы жатқан мәліметіңіз тыңдаушыларға не үшін қажет екенін ойлаңыз. Сонда тұрысыңыздан, ым-ишаратыңыз бен бет-жүзіңізден шынайылық пен достық сыңай сезіліп тұрады.

Ауызекі тілде сөйлеуді тым еркінсіп кетумен шатастырмаңыз. Хабардың қадірін түсірмес үшін, тіл нормаларын бұзбай, анық та дұрыс сөйлеңіз.
Тыңдаушыларға қарап сөйлеу. Егер аумағыңызда ерсі болмаса, адамның көзіне қарап сөйлеңіз. Баяндама айтып жатқанда, бір топ адамға емес, жеке-жеке адамға қараңыз.