Mubulu Ke Manisaka Ve Kukonda Kuwakana

Bantu mingi bubu yai ke monaka nde sambu na kumanisa bitumba to sambu na kumanisa makambu, yo ke lombaka kusala mubulu. Kansi kuyindula mutindu yina ke wakana ve ti mambu yina Yezu longaka to ti mutindu yandi salaka mambu. Yindula fioti mwa mambu yina yandi tubaka mpi salaka.

Mambu yina Yezu tubaka

Yezu salaka disolo mosi na zulu ya Ngumba ya Banti ya Olive. Disolo yango me zabanaka mingi. Na disolo yango, yandi longaka nde makasi, bitumba mpi mubulu kele ve mambu yina yo ke lombaka kusala sambu na kumanisa kukonda kuwakana. Beto tala mawa mambu yina yandi longaka.

• “Mambu yonso yina beno ke zola nde bantu kusadila beno, beno mpi beno fwete sadila bo yo.” (Matayo 7:12; Luka 6:31) Ndongisila yai bo ke bingaka yo mpi mbala mingi nde Munsiku ya Wolo.a Yo ke lombaka beto na kusadila bantu ya nkaka mambu mutindu beto ke zolaka nde bantu ya nkaka kusadila beto mambu. Ata muntu mosi ve ke zolaka nde bantu kusadila yandi mambu ti mubulu. Yo yina beto fwete sadila bantu yonso mambu na mawete mpi ti luzitu, yo vanda beto ke tadilaka ve mambu mpila mosi ti bo.

• “Konso muntu yina ke bula nge mbata na ditama ya kitata, pesa yandi mpi ditama yina ya nkaka.” (Matayo 5:38, 39; Luka 6:29) Yezu zolaka ve kutuba nde beto fwete songa bantu ya nkaka na kusadila beto mambu na mutindu ya mbi. Kansi, yandi tubaka mutindu yina sambu na kuyidika dibanza mosi ya mbi yina bantu vandaka ti yo. Yo ke monana nde bantu longaka bantu ngindu yango vandaka bamfumu ya mabundu. Dibanza yango vandaka nde, kana muntu me sala nge mbi, nge mpi nge lenda vutula mbi na mbi. Yandi vandaka kulonga balongoki na yandi nde bo fwete vutula ve mbi na mbi, kansi bo fwete vanda kaka mawete kana bo me sadila bo mambu ya mbi.b

• “Beno landa kuzola bambeni na beno.” (Matayo 5:43, 44; Luka 6:27) Yezu longaka nde bantu yina ke zolaka beto ve mpi ke sadilaka beto mambu ya mbi, beto fwete sadila bo mambu ya mbote. Yandi zolaka ve kutuba nde, beto fwete budila bo maboko sambu na mambu ya mbi ya bo ke sala.c Kansi kana beto ke sadila bantu yina ke zolaka beto ve mambu ya mbote, beto lenda sadisa bo na kukuma bantu ya mbote mpi nkutu na kusadila beto mambu ya mbote.

Mambu yina Yezu salaka mpi yina yandi ta sala

Yezu longaka nde mubulu kele ve mutindu ya mbote ya kumanisa makambu. Mutindu yandi salaka mambu monisaka nde yo kele kibeni mpidina. Na mpimpa yina bo kangaka yandi, longoki na yandi mosi salaka mubulu sambu bo kanga ve Yezu. Kansi Yezu songaka yandi nde: “Vutula mbele na nge ya bitumba na kisika na yo, sambu bantu yonso yina ke bakaka mbele ya bitumba ta fwa na mbele ya bitumba.” (Matayo 26:52) Yezu vandaka kulolula bantu yina vandaka kusadila yandi mambu ya mbi, mpi nkutu yandi vandaka kusamba sambu na bo. Mpidina, yandi monisaka nde yandi vandaka kuzola bambeni na yandi.—Luka 23:33, 34; 1 Piere 2:23.

Biblia ke tuba nde mutindu Yezu kele Mfumu ya Ngemba, kubika fioti yandi ta manisa mubulu yonso. (Yezaya 9:6, 7) Sambu na kuzaba mambu mingi na yina me tala mambu ya mbote yina ta salama na bilumbu ke kwisa, tanga disolo “Mutindu Bitumba mpi Mubulu Ta Mana.”