Yidika Bamvutu Yina Ta Pesa Bampangi Kikesa

Na balukutakanu, beto yonso ke vandaka ti dibaku ya kupesa bamvutu yina ke pesaka bampangi kikesa. (Baeb. 10:24, 25) Inki mutindu nge lenda yidika bamvutu yina ta pesa kibeni bampangi kikesa?

• Samba Yehowa. Lomba yandi na kusadisa nge na kupesa bamvutu yina ta kumisa yandi mpi ta pesa bampangi kikesa.​—Nk. 35:18.

• Sala bikesa ya kuyidika bamvutu na bangogo na nge mosi. Yo kele mbote na kupesa bamvutu na bangogo na nge mosi na kisika ya kutanga kaka mambu yina bo me sonika na mukanda. Bamvutu na nge ya ke monisa lukwikilu ta sadisa kibeni bampangi.

• Yidika bamvutu ya nkufi. Mbala mingi, bamvutu ya nkufi mpi ya pete ke pesaka bampangi kikesa mingi kuluta mpi yo ke salaka nde bampangi mingi ya nkaka kuzwa dibaku ya kupesa bamvutu.​—Bing. 10:19.

• Yidika bamvutu ya ke pesa kikesa. Kuyidika ve bamvutu ti ngindu ya kupesa bampangi bandongisila to sambu na kutuba mambu ya mbi sambu na dibundu to mpangi mosi.

Nge lenda pesa kaka bampangi kikesa ata bo me pona nge ve sambu na kupesa mvutu. Mu mbandu, nge lenda tula dikebi mingi na bamvutu na bo mpi kupesa bo mersi sambu na yo.​—Bing. 10:21.