Baluzayisu

◼ Mikanda ya kukabula na Mayi: Nzozulu ya Nkengi ti Réveillez-vous ! Ntangu beto tavutukila bantu yina kumonisaka mpusa, mpi bayina kukwisaka na Lusungiminu to na balukutakanu yankaka kansi ya kevukanaka ve mbala na mbala ti dibundu, beto fwete sala ngolo sambu na kupesa bo mukanda Inki Biblia Kelongaka Mpenza? Lukanu na beto fwete vanda ya kuyantika kulonguka Biblia ti bo. Yuni: Inki Biblia Kelongaka Mpenza? Kana bawi kele dezia ti mukanda yai, bansamuni lenda pesa konso mukanda ya balutiti 192 yina kubasikaka na ntwala ya mvu 1992.

◼ Kana nge kebaka bangidika sambu na kukwenda na balukutakanu ya dibundu, na balukutakanu ya nene to ya distrike na nsi yankaka, sonikila biro ya filiale yina ketwadisaka kisalu na insi yina nge kekwenda sambu na kulomba bansangu ya metala dati, ntangu, mpi bisika balukutakanu tasalama. Ba adresi ya babiro ya filiale kele na lutiti ya nsuka ya Annuaire ya mpa.

◼ Mabundu lenda soba manaka ya balukutakanu ya mposo yina kele na ntwala ya mposo ya Lukutakanu ya Distrike “Beno Kangula Meso!” sambu na kuvutukila bandongisila ti bangibusa ya ketadila kukwenda na lukutakanu ya distrike. Ngonda mosi to bangonda zole na nima ya lukutakanu na beno ya distrike, beno lenda sadila disolo mosi ya ketubila bampusa ya dibundu sambu na kuvutukila mambu ya mfunu ya lukutakanu ya distrike yina bansamuni kumonaka mbote na kusadila na kisalu ya kusamuna.