Manaka ya Lukutakanu ya Kisalu

Mposo ya Kebanda na Desembri 10

Nkunga 46

Min. 10: Baluzayisu ya dibundu. Beno sadila mabanza yina kele na lutiti ya 8 to mabanza yankaka yina mefwana na teritware na beno sambu na kumonisa mutindu ya kupesa Nzozulu ya Nkengi ya Desembri 15 mpi Réveillez-vous ! ya Desembri.

Min. 20: Nzo-Nkanda ya Kisalu ya Teokrasi Sambu na Mvu 2008. Diskure yina Nkengi na nzo-nkanda tasala. Na nsadisa ya ngika ya Kisalu na Beto ya Kimfumu ya Oktobri 2007, tubila bangindu yina kelomba nde beno tudila yo dikebi na dibundu na beno. Tubila dyaka mukumba ya kilandi ya ndongisi. Syamisa bampangi yonso na kusala kikesa sambu na kusala badevware ya bo kepesaka bo, na kupesa bakomantere na bantendula ya Biblia, mpi na kusadila bandongisila ya bo kepesaka beto konso mposo na mukanda Baka Mambote na Malongi ya Nzo-Nkanda ya Kisalu ya Teokrasi.

Min. 15: “Pesa Kikesa na Bantu ya Ntima ya Kulemba.”a Tubila mbandu mosi to bambandu zole ya nkufi yina bampangi ya dibundu kukutanaka ti yo.

Nkunga 34

Mposo ya Kebanda na Desembri 17

Nkunga 28

Min. 10: Baluzayisu ya dibundu. Beno pona Baluzayisu na Kisalu na Beto ya Kimfumu. Syamisa bampangi yonso na kutala video Les Témoins de Jéhovah : Organisés pour prêcher la bonne nouvelle sambu na kudibongisa na disolo yina tasalama na Lukutakanu ya Kisalu na mposo ya Desembri 31.

Min. 15: “Beto Fwete Landa na Kuvanda ti Kikesa na Kisalu ya Kusamuna.”b Yula bangyufula na nsamuni mosi yina mezabanaka sambu na kikesa na yandi na kisalu ya kusamuna. Nge tayula yandi bangyufula yai: Inki mambu nge mesalaka sambu na kulanda kuvanda ti kikesa? Inki kesadisaka nge sambu na kulanda kuvanda ti kikesa?

Min. 20: “Beto Kabula Baperiodike Yina Ketaka Kimbangi na Kyeleka.”c Lomba bampangi na kutubila mambu yina kele na Kisalu na Beto ya Kimfumu ya Novembri 2006 na lutiti ya 8. Syamisa bawi na kutanga Nzozulu ya Nkengi ya Yanuari 1 mpi Réveillez-vous ! ya Yanuari. Lomba bo na kunata yo na lukutakanu ya mposo yina kelanda.

Nkunga 139

Mposo ya Kebanda na Desembri 24

Nkunga 212

Min. 10: Baluzayisu ya dibundu. Tanga rapore ya konti ti mukanda ya la Société metinda sambu na kupesa mersi na dibundu. Tubila mikanda yina beto takabula na Yanuari, mpi sadisa nsonga mosi ya kemonisa mutindu ya kupesa mukanda mosi.

Min. 15: Kudibongisa Sambu na Kupesa Baperiodike ya Mpa. Disolo ti bawi ya mekatuka na Nzozulu ya Nkengi ya Yanuari 1 mpi Réveillez-vous ! ya Yanuari. Na nima ya kutubila na bunkufi mambu yina kele na kati ya konso zulunalu, lomba bawi bo tuba nki masolo lenda sepedisa bantu ya teritware na beno, mpi sambu na nki. Lomba bo na kupesa mabanza na bo na mutindu bo kekana kusadila mwa masolo yina bo kezola kutubila. Inki ngyufula beto lenda yula sambu na kuyantika disolo? Inki verse ya disolo yango beto lenda tanga? Inki mutindu beto lenda wakanisa verse ti disolo? Sadila bangogo ya kukotila na masolo yina kele na Kisalu na Beto ya Kimfumu to bangogo yankaka ya kukotila na masolo yina bawi metubila sambu na kusadisa nsonga mosi ya kemonisa mutindu ya kupesa Nzozulu ya Nkengi mpi Réveillez-vous !

Min. 20: “Baka Lukanu ya Kulonguka Biblia ti Muntu.”d Yula nsamuni mosi to bansamuni zole yina kuyantikaka kulonguka Biblia ti bantu. Inki mutindu kulonguka kuyantikaka? Inki mutindu kulonguka yango kekwenda na ntwala?

Nkunga 21

Mposo ya Kebanda na Desembri 31

Nkunga 89

Min. 5: Baluzayisu ya dibundu. Yibusa bansamuni na kupesa rapore na bo ya Desembri.

Min. 15: Kukangama na Nzambi Kele Ngolo ya Kepusaka na Kusamuna. Diskure ya kusyamisa ya mekatuka na Nzozulu ya Nkengi ya Kifalansa ya Marsi 1, 1990, balutiti 22-3.

Min. 25: “Kampanye ya Kuluta Nene ya Kisalu ya Kusamuna ya Mesalamaka Ntete Ve na Nsi-Ntoto!”e Lomba bawi na kupesa bakomantere ya mambu ya mbote yina bantu ya dibuta, bantu ya bo mezaba, bantu yina bo kevutukilaka, mpi balongoki ya Biblia kutubaka ntangu bo talaka video Les Témoins de Jéhovah : Organisés pour prêcher la bonne nouvelle.

Nkunga 202

Mposo ya Kebanda na Yanuari 7

Nkunga 159

Noti: Beno fwete tadila ve bansangu ya ketubila lukutakanu ya distrike na ntwala ya mposo ya Yanuari 7. Mabundu fwete pusa ve Lukutakanu ya Kisalu yina tasalama na mposo ya Yanuari 7 sambu na kusala yo na ntwala, katula kaka kana nkengi ya nzyunga mekwisa kutala dibundu yango.

Min. 5: Baluzayisu ya dibundu.

Min. 15: Bampusa ya dibundu.

Min. 25: “Lukutakanu ya Distrike ya Bambangi ya Yehowa ya Mvu 2008.”f Sekretere muntu tasala disolo yai. Na ntwala ya kutadila ngika, tanga mukanda ya Novembri 15, 2007 yina kemonisa lukutakanu ya distrike yina beno tavukana. Ntangu beno takuma na paragrafe ya 6 ya ngika, tanga bangindu yonso yina kele na lupangu ya lutiti ya 4 ya kele na ntu-dyambu “Mwa Mambu ya Kutadila . . . ” Pesa mersi na bampangi yonso na mutindu bo kekudibongisa na ntwala sambu na lukutakanu yango.

Nkunga 99

[Banoti na nsi ya lutiti]