‘Oh, Kana Bantu Yonso Kuvandaka Bonso Bau!’

Yai kuvandaka bangogo ya mumwangi-nsangu mosi ya Luxembourg na zulunalu Letzebuerger Journal. Yandi vandaka kutubila banani?

Yandi kukwendaka na Pologne sambu na lusungiminu ya nkinsi ya 50 ya kimpwanza ya Auschwitz mpi kumonaka nde kimvuka mosi ya kuvandaka kumona mpasi mingi kuna kutubilamaka ve. Na papie na yandi ya bansangu ya Februari 2, 1995, yandi kutendulaka nde kimvuka yina kuvandaka Bambangi ya Yehowa, mpi yandi kutubaka nde: “Yau kuvanda kukangimisa na nku na baka ya konsantrasio, to kutungisama sambu na kufwa mpamba na banzo ya nzala to na disoka to na mbele ya nkusu, yau vandaka kunata bau ve na kubuya lukwikilu na bau.” Yandi landaka nde: “Ata bankengi ya nku ya SS kuyitukaka na ntwala kikesa Bambangi kuvandaka na yau ntangu bau vandaka kufwa.”

Bambangi ya Yehowa vandaka kusosa lufwa ve. Kansi, bonso Bakristu ya mvunkama ya ntete, mafunda na kati na bau kuponaka lufwa na kisika ya kubuya bansiku na bau ya Bukristu. Lukwikilu ya mutindu yina kumonisaka bau bonso bantu ya kuswaswana mpenza na bilumbu yina ya kukonda kivuvu ya luyalu ya Nazi.

Mumwangi-nsangu kusukisaka nde: “Oh, kana bantu yonso kuvandaka bonso Bambangi ya Yehowa!” Kana kuvandaka mpila yina, Mvita ya zole ya Nza ya Mvimba zolaka kusalama ve.

[Caption on page 32]

[Box]

Keti Nge Tazola Mvutukilu Mosi?

Ata na kati ya nza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kukwisa kulonguka ti nge Biblia ya ofele na nzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge. (Tala na lutiti 2.)