Izaías

7 Na ténpu ki Akás, fidju di Joton i nétu di Uzias, éra rei di Judá, Rezin, rei di Síria i Péka, fidju di Remalias, rei di Israel, ben briga kóntra Jiruzalen, má es* ka konsigi toma-l. 2 Kaza di Davidi resebe kel mensajen li: “Síria djunta ku Efrain.”

I korason di Akás i korason di se povu kumesa ta treme, sima kes arvi na florésta ta sakudi óras ki béntu ta da na es.

3 Nton, Jeová fla Izaías: “Favor, bai inkontra ku Akás, bo ku bu fidju Sear-Jazube,* pértu di kanal di agu di kel tanki más pa riba, ki ta fika na kaminhu di kel lugar undi pesoas ta ba laba ropa. 4 Bu debe fla-l: ‘Ka bu ten medu i fika kalmu. Ka bu ten medu i ka bu dizanima pamodi kes dôs padás di lenha li ki ta bota fumu, pamodi raiba di Rezin, rei di Síria, i di fidju di Remalias. 5 Pamodi Síria, djuntu ku Efrain i fidju di Remalias, faze un planu kóntra bo. Es fla: 6 “Nu subi kóntra Judá i nu distrui-l,* nu vense-l* i nu skodje fidju di Tabiel pa ser se rei.”

 7 “‘É kel-li ki Jeová, kel Sinhor Más Grandi, fla:

10 Jeová kontinua ta pâpia ku Akás: 11 “Pidi Jeová, bu Deus, un sinal. Kel sinal pode ser fundu sima Sipultura* ô altu sima séu.” 12 Má Akás fla: “N ka ta ben pidi nada i nen N ka ta ben poi Jeová na próva.”

13 Nton, Izaías fla: “Ó família di Davidi, favor, nhos obi-m. Ka sta nhos bon di abuza di paxénxa di pesoas? Nhos krê tanbê abuza di paxénxa di Deus? 14 Nton, Jeová ta ben da nhos un sinal: nhos odja! Kel jóven ta ben fika grávida i el ta ben ten un fidju, i el ta ben pô-l nómi di Imanuel.* 15 Antis di kel mininu sabe modi ki el ta nega kel ki é mariadu i skodje kel ki é dretu, el ka ta ben ten nada alén di mantega i mel pa el kume. 16 Pamodi antis di kel mininu sabe nega kel ki é mariadu i skodje kel ki é dretu, téra di kes dôs rei ki bu ten medu di es ta ben fika konpletamenti bandonadu. 17 Jeová ta ben traze kóntra bo, kóntra bu povu i kóntra família di bu pai, un ténpu difísil ki nunka ka tevi désdi dia ki Efrain sipara di Judá, pamodi el ta ben traze rei di Asíria.

18 “Na kel ténpu, Jeová ta ben zíbia* pa txoma kes móska la lonji na kanal di riu Nilu, na Ijitu, i kes abelha na téra di Asíria. 19 Es ta ben i es ta fika na kes vali* fundu, na kes braku na rótxa, na tudu pé di spinhu i na tudu lugar ki animal ta bebe agu.

20 “Na kel ténpu, Jeová ta ben uza kel nabadja ki Akás kontrata, ki é di kel zóna di riu Eufratis,* através di rei di Asíria, pa rapa kabésa, kabelu di bu pérna i barba tanbê.

21 “Na kel ténpu, un ómi ta ben dexa un vaka novu di ribanhu i dôs ovelha vive. 22 I pamodi ta ten txeu leti, el ta ben kume mantega, dja ki tudu kes algen ki resta na téra ka ta ben ten nada alén di mantega i mel pa kume.

23 “Na kel ténpu, tudu lugar ki tinha mil pé di uva na valor di mil pésa di prata, ta ben ten sô pé di spinhu i padja. 24 Ómis ta bai entra la ku arku i flexa,* pamodi kel téra interu ta ben fika xeiu di pé di spinhu i padja. 25 I nhos ka ta ben txiga pértu di tudu kes monti ki antis ta linpadu ku inxada, pamodi nhos ta tene medu di kes pé di spinhu i di kes padja. Es ta ben bira lugar di pastora toru i ovelha.”