Izaías
53 Kenha ki poi fé na kes kuza ki nu fla?*
I pa kenha ki mostradu brasu di Jeová?
2 El* ta ben parse sima un ramu novu se* dianti, sima un raís na un téra séku.
El ka ta parse sima un algen inportanti, nen sima un algen riku.
I óras ki nu odja-l, se aparénsia ka ta txoma-nu atenson.
Éra sima si se róstu staba sukundidu di nos.*
El disprezadu, i nen nu ka da-l valor.
4 Na verdadi é el ki leba nos duénsa,
É el ki karega nos dór.
Má nu atxa ma el sufri pamodi Deus kastiga-l i tormenta-l.
5 Má el dadu ku lansa pamodi nos pekadu,
El sufri txeu pamodi nos fadja.
El kastigadu pa nu pode tinha pas,
I nu kuradu pamodi ses frida.
6 Nos tudu nu ta andaba sima ovelhas ki staba perdedu,
Kada un di nos ta sigiba se própi kaminhu,
I Jeová poi kes éru di nos tudu ta kai riba di el.
7 El injuriadu i el dexa otus algen pô-l ta sufri,
Má el ka abri se bóka.
El lebadu sima un ovelha ki sta ba matadu,
Sima un korderu ki ta fika kaladu dianti di kes algen ki ta tuskia-l,
I el ka abri se bóka.
Pamodi el tradu di téra di algen bibu.
Pamodi pekadu di nha povu el dadu pankada.*
9 El dadu un sipultura* na meiu di kes algen mau,
Kantu el móre, el interadu djuntu ku kes algen riku,*
Enbóra el ka fazeba nada mariadu*
Nen el ka fla palavras ki ta ingana.
10 Má éra di vontadi di Jeová* pa el sufri txeu, i el dexa-l duense.
Si bu da se vida* pa ser oférta pa kulpa,
El ta ben odja ses disendenti,* ses dia ta ben bira más txeu,
I através di el ta ben fazedu kel ki ta agrada* Jeová.
11 Pamodi se angústia,* el ta ben fika kontenti ku kuzê ki el odja.
Através di se konhisimentu, kel ki é justu i ki é nha sérvu,
Ta ben poi txeu algen ta ser justu,
I el ta ben leba ses éru.
12 Pur isu, N ta ben da-l un párti na meiu di txeu algen,
El ta ben dividi kes kuza ki tomadu na géra ku kes algen poderozu,
Pamodi el da se vida i el móre,
I el kontadu djuntu ku kes pekador.
El karega pekadu di txeu algen,
I el pidi pa kes pekador.